Er adamdyń aıtýynsha, ony qaıyr suraýǵa májbúrlegen. Ol birneshe ret qashýǵa árekettendi, biraq nátıjesiz bolǵan.
«Olar meni uryp-soǵyp, jaq pen qabyrǵamdy syndyrdy. Keıin meni basqalarǵa satty. Arba satyp alyp, soǵan otyrǵyzdy. Bazarǵa, adam kóp jınalatyn jerge aparatyn. Kúnine 30-35 myń tabatynmyn. Aqshany ózderine alyp qoıatyn. Bir kúni eki jas qyz maǵan kelip azyq-túlik usyndy. Men olardan «jaqyn jerde ońaltý ortalyǵy bar ma?» dep surap quldyqta júrgenimdi qysqasha túsindirdim. Kelesi kúni eriktiler kelip, meni sol jerden urlap ketti», dedi Sergeı.
«Habar 24» arnasy habarlaǵandaı, ońaltý ortalyqtarynda tek alty aı turýǵa ruqsat etiledi. Al eńbek quldyǵynan zardap shekkenderdiń barlyǵyna oryn jete bermeıdi.
Jyl basynan beri elimizde adam saýdasy faktileri boıynsha 16 qylmystyq is qozǵalǵan. Onyń ishinde 12 qylmystyq is jańa týǵan nárestelerdiń saýdasymen baılanysty bolyp otyr. 40 qylmystyq toptyń qyzmeti toqtatyldy. Qazaqstanda jyl saıyn osyndaı 100-ge jýyq qylmys tirkeledi. Olardyń kóbisi sotqa deıin jete bermeıdi.
