Máýlen Áshimbaev Belgııa Qazaqstannyń Eýropalyq Odaqtaǵy mańyzdy saıası jáne ekonomıkalyq seriktesi ekenin atap ótti. Senat tóraǵasy parlamentaralyq deńgeıde, onyń ishinde halyqaralyq uıymdar aıasynda yntymaqtastyqty nyǵaıtý qajettigin aıtty.
«Biz parlamentaralyq baılanystardyń qarqyndy damýyna múddelimiz. Eki eldiń Parlamentterinde dostyq toptary tabysty jumys istep jatyr. Olar bizdiń yntymaqtastyǵymyzdy damytýdyń mańyzdy tetigi bolyp tabylady. Qazaqstandyq depýtattar EQYU Parlamenttik Assambleıasy men Parlamentaralyq odaq alańdarynda belgııalyq áriptesterimen ózara árekettesýge de múddeli», dedi Máýlen Áshimbaev.
Sondaı-aq Senat tóraǵasy belgııalyq áriptesterine Memleket basshysynyń bastamasymen elimizde júrgizilip jatqan reformalar týraly egjeı-tegjeıli aıtyp berdi. Sonymen qatar taraptar halyqaralyq jáne óńirlik kún tártibindegi máselelerdi talqylady.
О́z kezeginde Tım Vandenpýt Qazaqstanda júrgizilip jatqan saıası transformasııanyń, sondaı-aq elimizdiń halyqaralyq uıymdarmen yntymaqtastyǵynyń tıimdiligin atap ótti. Parlamentarıı óz tarapynyń ınvestısııalyq jáne kólik-logıstıkalyq jobalardy damytýǵa jáne parlamentaralyq yntymaqtastyqty nyǵaıtýǵa múddeli ekenin bildirdi.
