Teginde tal boıyna áke men shesheniń tálimdi tárbıesin, otbasylyq qundylyqtardy sińirgen urpaqtyń osal bolmaıtyny anyq. Sol sebepten, otbasylyq qundylyqtar dáripteletin kún halyqaralyq deńgeıde atap ótiledi. Osyǵan oraı Atyraýda ár jastaǵy erli-zaıyptylar ǵana emes, barsha turǵyndardyń demalys ornyna aınalatyn otbasy saıabaǵy ashyldy. О́ńir turǵyndaryn oblys ákiminiń orynbasary Jasulan Bısembıev Otbasy kúnimen quttyqtap, bul merekeniń mańyzyna toqtaldy.
– Otbasy kúni tek elimizde ǵana emes, álem elderinde de halyqaralyq mánge ıe bolǵan. Bul kúndi atap ótý tirshilik ataýlynyń jandanatyn kóktemniń shýaqty kezeńine sáıkes kelýiniń ózindik máni bar. Al qazaqtyń «Otan otbasynan bastalady» deıtin keremet támsiliniń astarynda urpaqty otanshyldyqqa tárbıeleýdiń tini ata-ananyń tálimimen ushtasyp jatyr. О́ıtkeni memlekettiń damýy men qoǵamnyń qalyptasýyna urpaq tárbıesiniń tıgizer mańyzy zor, – dedi Jasulan Bısembıev.
Ákim orynbasarynyń aıtýynsha, óńirdiń ár salasynda otbasylyq dınastııa bar. Máselen, otandyq ekonomıkanyń jetekshi salasyna aınalǵan munaı-gaz ónerkásibinde Balǵymbaev, Baljanov, Beshimov, Bólekbaev, Qaramurzıev, Myrzaǵalıev, Orjanov, О́tebaev, О́teǵalıev, Shyrdabaev, Marabaev, Dosmuhambetov, Jumaǵalıev, Ogaı áýletteriniń eńbek jolyn búgingi urpaǵy abyroıly jalǵastyryp keledi. Al Basarolla Haresovtiń otbasyn dárigerler dınastııasy deýge bolady. Úshinshi býynǵa jalǵasqan dárigerlik kásipti eki ýrolog, ftızıator, okýlıst, nevropatolog, stomatolog, jalpy tájirıbe dárigeri jalǵastyryp keledi. Mundaı dınastııalar memlekettik qyzmet, temirjol, aýyl sharýashylyǵy, bilim men mádenıet salasynda da bar.
– Atyraý qalasynda turǵyndardyń demalys ornyna aınalǵan saıabaqtar az emes. Endi sonyń qataryna Otbasy saıabaǵy qosyldy. Qazaqtyń saz ónerine mol mura qaldyrǵan sazger, Qazaqstannyń halyq qaharmany Nurǵısa Tilendıevtiń esimi berilgen kóshedegi alańdy Otbasy saıabaǵy dep ataýǵa sheshim qabyldadyq, – dedi J.Bısembıev.
Jańa saıabaqtyń ashylýyna jarasymdy januıalyq jup quryp, ónegeli urpaq ósirip otyrǵan otbasylar jınaldy. Sondaı otbasynyń qataryndaǵy Temirjan Sandashev pen Bıǵaısha Jolmuhanova 57 jyl buryn shańyraq kótergen. Qazir balalarynan órbigen nemereleriniń bal qylyǵyn qyzyqtap otyr.
О́miri de, ónegesi de ulaǵatqa toly úlkender otbasylyq qundylyqtar, urpaq tárbıesi jóninde áńgime órbitti. Al nemereleri túrli taqyrypqa sýret salyp, ata-ájesine, áke-sheshesine syıǵa tartty. Aǵash pen temirden, ózge de materıaldan túıin túıgen qolóner sheberleri ulttyq naqyshtaǵy buıymdaryn jurtshylyq nazaryna usyndy. Bul kúni jańa saıabaqqa jemis aǵashtarynyń kósheti egildi.
Atyraý oblysy
