Kollajdy jasaǵan Qonysbaı ShEJIMBAI, «EQ»
Atalǵan patologııa balanyń tolyq damýyna kedergi keltirip qana qoımaı, syrtqy aqaýlardy týdyrady. Bul jaǵdaıda hırýrgııalyq aralasýdy keshiktirse, aýyr múgedektikke soqtyrýy múmkin. Balaǵa operasııa jasaý úshin Reseıden G.I.Týrner atyndaǵy Balalar travmatologııasy men ortopedııasynyń ulttyq medısınalyq zertteý ortalyǵynyń dırektory Sergeı Vıssarıonov arnaıy keldi.
Bul balanyń anasy ýltradybystyq zertteý arqyly júktilik kezinde bala omyrtqasynyń deformasııasy týraly bilgen. Týǵannan keıin dárigerler ata-anasyna omyrtqa baǵanyna operasııa mindetti túrde jáne múmkindiginshe tezirek qajet ekenin aıtqan. Sodan bandajdardy jáne basqa da konservatıvti emdeý ádisterin qoldanǵany nátıjesiz bolǵannan keıin, balanyń ata-anasy hırýrgııalyq jolǵa júginýge sheshim qabyldady. Jańa ázirlememen operasııa júrgizý múmkindigi týraly habardar bolǵan soń, pasıenttiń ata-anasy akademık N.J.Batpenov atyndaǵy Ulttyq ǵylymı travmatologııa jáne ortopedııa ortalyǵyna habarlasqan.
«Qursaqtaǵy bala omyrtqasynyń deformasııasyn ýltradybystyq kómegimen anyqtaý úshin mamannyń joǵary biliktiligi ǵana emes, sonymen qatar óte jaqsy jabdyq qajet. Sonymen qatar ýltradybystyq maman omyrtqanyń týabitti deformasııasyna nazar aýdarýy kerek, týa bitken aqaýlardyń qandaı nusqalary men túrleri bar ekenin bilýi kerek», – deıdi, professor S.Vıssarıonov.
Týǵannan keıin potologııany anyqtaý úshin dárigerler barlyq analarǵa balanyń úsh aılyq jasynda mindetti túrde travmatolog-ortopedke barýdy usynady.
«Búgingi hırýrgııalyq aralasý biz josparlaǵan kólemde jasaldy. Bul operasııa barysynda arnaıy pasıent úshin 3D prınterde basyp shyǵarylǵan jeke baǵyttaýshy shablondar qoldanyldy. Osy baǵyttaǵyshtar arqyly biz metall konstrýksııasynyń tirek elementterin dál jáne durys ornattyq. Bul operasııa ýaqytynyń qysqarýyn qamtamasyz etti, balaǵa sáýlelik júktemeni edáýir azaıtty, operasııanyń jaraqatyn tómendetti jáne eń bastysy bekitý metalynyń uzyndyǵy qysqardy», – dedi professor.
Bul ázirlengen ádistiń biregeıligi – balanyń erte jasynda jasalǵan bir operasııanyń nátıjesinde dárigerler omyrtqanyń týa bitken qısaıýyn tolyǵymen túzetedi jáne bir ǵana operasııada balanyń odan ári ósýi men damýyna qolaıly jaǵdaı jasaıdy.
«Bizdiń tásilimiz jáne omyrtqa-qozǵalys segmentiniń turaqtanýyn oryndaý 5 kúnnen keıin aıaqqa turýǵa, júre bastaýǵa, omyrtqa baǵanynyń jańa jaǵdaıyna beıimdelýge jáne operasııadan keıin 7-10 kúnnen keıin úıge oralýǵa múmkindik beredi. Biz operasııa jasaǵan eń jas pasıent 9 aılyq bala bolǵan», – deıdi S.Vıssarıonov.
Jyl saıyn Qazaqstanda mamandar omyrtqa baǵanynyń qısaıýy bar 40 myńnan asa pasıentti anyqtaıdy, onyń 83%-y – jasóspirimder men balalar.
Nelikten omyrtqanyń týabitti deformasııasy paıda bolady degen suraqqa Sergeı Vıssarıonov: «Ádette týa bitken kemistikter ananyń júktiliginiń birinshi kezeńinde, omyrtqa baǵanyn quraıtyn elementter qalyptasqan kezde paıda bolady. Bul – júktiliktiń birinshi trımestrinde bolatyn sozylmaly aýrýlar nemese osy ýaqytqa deıin bolatyn jiti juqpaly aýrýlar, sondaı-aq omyrtqanyń súıek qurylymdaryna zaqym keltiretin jáne aqyrynda qalyptan tys damyǵan omyrtqa paıda bolatyn ekologııalyq qolaısyz faktorlar. Osy qalyptan tys damyǵan omyrtqanyń áserinen deformasııa paıda bolady», dep jaýap berdi.
Atalǵan operasııa G.I.Týrner atyndaǵy Balalar travmatologııasy men ortopedııasynyń ulttyq medısınalyq zertteý ortalyǵy men akademık N.J.Batpenov atyndaǵy Ulttyq ǵylymı travmatologııa jáne ortopedııa ortalyǵy arasyndaǵy strategııalyq seriktestik týraly shart aıasynda mindetti áleýmettik medısınalyq saqtandyrý esebinen jasaldy.
