Kórsetkishtiń jaqsarýyna «Qazaqtelekom» kompanııalar tobynyń múshesi Tele2/Altel operatorlary úlken úles qosty. Úsh jyl boıy ol óziniń kóshbasshylyǵyn saqtap keledi jáne Ookla (Speedtest qosymshasyn jasaýshylar) mobıldi ınternet jyldamdyǵy boıynsha úzdik dep tanydy.
Búginde Qazaqstandaǵy árbir smartfon ıesi kúnine keminde 5 saǵatyn ınternette ótkizedi. Abonentterdiń mundaı belsendiligi turaqty túrde bazalyq stansııalardy jańartýǵa jáne olardyń jabdyqtarynda jumys isteýge qarajat bóletin uıaly baılanys operatorlarynyń jelilerine júktemeniń ulǵaıýyna ákep soǵady. Infraqurylymǵa salynǵan ınvestısııa arqyly Tele2/Altel rekordtyq jeli ótkizý qabiletine qol jetkizdi.
«Telekom – kapıtaldy ınvestısııa boıynsha óte qarqyndy sala. Munda túsken paıdadan jańa jobalar men qyzmetterdi iske qosýǵa, jańa býyn tehnologııalardy engizýge jáne joǵary sapaly kommýnıkasııalardy turaqty qamtamasyz etýge únemi qaıta ınvestısııalaý qajet», dedi Tele2/Altel bas dırektory Sergeı Konkov.
Qazaqstan azamattaryn 5G tehnologııasymen qamtamasyz etý úshin jańa stansııalardy salý, sondaı-aq abonentterge 4G/LTE formatynda qońyraý shalýǵa jáne bir ýaqytta jyldamdyqty joǵaltpaı ınternetti paıdalanýǵa múmkindik beretin VoLTE (Voice over LTE) júıesin engizý sııaqty bastamalar da ınvestısııany qajet etedi.
CEO Tele2/Altel bas dırektorynyń aıtýynsha, tabystyń 15-20%-y jyl saıyn salystyrmaly túrde tek ınfraqurylymǵa jumsalady. Bul rette operator qyzmetterdiń tómen qunyn saqtaıdy jáne bir jaǵynan paıdany naryq múmkindikterimen shekteıdi, al ekinshi jaǵynan ony ınvestısııalardyń tıimdiligin arttyrýǵa májbúr etedi. Sonymen qatar, kompanııa «250+» baǵdarlamasy boıynsha berilis jelisin ózgertý arqyly aýyldarda baılanys sapasyn arttyryp, joǵary jyldamdyqty ınternetke qoljetimdilikti qamtamasyz etýdi jalǵastyryp jatyr. Qazir Tele2/Altel basqa operatorlar arasynda mobıldi ınternet jyldamdyǵy boıynsha kóshbasshylyqty saqtaýǵa, 4G (LTE) tehnologııasyn damytýdy kózdep, 5G engizý boıynsha belsendi jumys júrgizýde.
Arýjan NAǴAShYBAI,
L.N.Gýmılev atyndaǵy EUÝ stýdenti
