Jezqazǵan qalasyndaǵy Bilim ınnovasııa lıseıiniń 11-synyp oqýshysy Safı sońǵy qońyraý soǵylmaı jatyp-aq keleshekte oqıtyn joǵary oqý ornyn anyqtap aldy. Ol AQSh-tyń Aıova shtatynyń Ǵylym jáne tehnologııa ýnıversıtetinde aeroǵarysh ınjenerııasy mamandyǵy boıynsha bilim alatyn boldy. Jaqynda oǵan osy ýnıversıtettiń granty beriletini týraly arnaıy hat keldi.
– Birneshe márte halyqaralyq kýrstarǵa qatysyp, test tapsyryp júrdim. Qazir ǵalamtordyń múmkindigin paıdalanyp álemniń kez kelgen túpkirimen habarlasýǵa bolady. Sondyqtan AQSh-tyń bes birdeı ýnıversıtetine ózimniń sol jaqta oqyǵym keletinin aıtyp, hat joldadym. О́tinishim jerde qalǵan joq. Olardyń tarapynan arnaıy tapsyrmalar berildi. Nátıjesinde, Kanzas ýnıversıtetinen, Illıonoıs, Florıda tehnologııalyq ınstıtýttarynan jáne Aıova Ǵylym jáne tehnologııa ýnıversıtetinen shaqyrtý aldym. Sońǵysyn tańdadym, – deıdi Safı.
Onyń tańdaýynyń naq osy ýnıversıtetke túsýi de beker emes. О́ıtkeni Safıdiń ákesi Amankeldi Álimjanov – kezinde Tom memlekettik ýnıversıtetiniń fızıka-tehnıka fakýltetin támamdaǵan ınjener-fızık. Ol ǵaryshker bolýdy armandapty. Biraq oraıy kelmegen tárizdi. «Aeroǵarysh ınjenerııasyn tańdaýymnyń túpki sebebi osynda. Áke armanyn júzege asyrǵym keledi», deıdi Safı.
Oqýshynyń anasy Nurjamal ulynyń matematıkaǵa degen qyzyǵýshylyǵy 5 jasynda baıqalǵanyn aıtty. Safı qazaq, orys, aǵylshyn tilin erkin meńgergen. Túriksheden de habary bar.
1858 jyly negizi qalanǵan Aıova Ǵylym jáne tehnologııa ýnıversıteti – memlekettik oqý orny. Osyndaı irgeli bilim ordasynan qazaqtyń bir qaradomalaq balasynyń arnaıy shaqyrtý alýy úlken mártebe. Saıyp kelgende bul – azattyǵymyzdyń, táýelsizdigimizdiń jemisi!
JEZQAZǴAN
