Mýzeıdegi eksponattardyń bárine jan bitken túndegi qyzyq oqıǵalarǵa toly «Mýzeı túni» fılmi báriniń esinde bar shyǵar. Kishkentaı kúnimizde sonyń bári ras pa eken dep mýzeılerdegi tas músinderdiń qalaı tiriletin kórgimiz keletin. Al qazir mýzeıdiń rasymen de, ótken tarıhtyń jany ekenin túsindik.
Jalpy «Mýzeı túni» aksııasynyń paıda bolýyna 1993 jyly jaryq kórgen osy fılmniń áseri bar. О́ıtkeni kóptegen kórermen dál osy kınokartınadan keıin mýzeıdi túnde kórýge yqylas tanytqan.
Al aksııa alǵash ret 1997 jyly Germanııada ótken. Berlın qalasyndaǵy 18 mýzeı qala turǵyndaryn túnde qarsy alǵan bolatyn. Sharaǵa 30 myńnan astam adam kelgen. Ekinshi ret ótkizilgen kezde kelýshilerdiń sany 50 myńǵa deıin jetip rekord ornatylǵan. Bul aksııa álem elderine taralyp, tanymal bola tústi. Sodan keıin 2005 jyly fransýzdar bul aksııany jyl saıyn ótkizip turýǵa usynys bildirgen. Eýropa keńesi usynysty qabyldaǵannan soń «mýzeı túni» álemniń 38 elindegi 2 myńnan astam mýzeıde ótkizilgen. Ol elderdiń qatarynda Qazaqstan da bar. Aksııa birinshi ret QR ortalyq mýzeıinde uıymdastyrylǵan.
Bul aksııa Qazaqstan mýzeılerinde osy jyly da uıymdastyrylady.
