«Búgingi sammıt kóne Sıan qalasynda ótýde. Munyń zor sımvoldyq máni bar. О́ıtkeni, Uly Jibek joly osy jerden bastaý alǵan. Bizdiń elderimizdiń ótken tarıhy, búgini jáne bolashaǵy osy jol arqyly tyǵyz baılanysyp jatyr.
Sıan – Qytaıdyń baı tarıhı-mádenı murasyn, sonymen qatar, kemeldengen kúsh-qýatyn áıgilep turǵan qala. Qytaı – álemdegi asa iri ınvestor jáne jahandyq ekonomıkanyń kóshin bastap turǵan memleketterdiń biri. Sondyqtan, Qytaımen jan-jaqty yntymaqtastyqty nyǵaıtý Qazaqstannyń ornyqty damýyna múmkindik beredi», dedi Prezıdent.
Onyń aıtýynsha, Ortalyq Azııa elderiniń áleýetin Qytaıdyń orasan zor ekonomıkalyq qýatymen ushtastyrý asa mańyzdy.
«Bul qadam kóp qyrly seriktestigimizge tyń serpin bereri sózsiz. Bizdiń elimiz osy maqsatqa jetý úshin bar kúsh-jigerin jumsaýǵa daıyn», dedi ol.
