Almaty oblysy boıynsha ishki ister departamentiniń burynǵy bastyǵy qazaq-qyrǵyz shekarasyn zańsyz kesip ótken edi. Rastalmaǵan aqparatqa sáıkes, baqylaý-ótkizý beketteriniń birinde Shekara qyzmetiniń áskerı qyzmetkeri onyń Qyrǵyzstan aýmaǵynda bolýyn zańdastyrǵan.
«Keıin Serik Kúdebaev «Manas» áýejaıy arqyly Túrkııaǵa ushyp ketken. Áskerı prokýratýra zańsyz kóshi-qon faktisi boıynsha qylmystyq is qozǵady. Atalǵan is boıynsha tórt adam kúdikke ilindi. Olar Bishkektegi №1 tergeý ızolıatoryna qamaldy, olardyń biri áskerı qyzmetker bolsa, qalǵandary – beıbit turǵyndar», delingen 24.kg usynǵan derekte.Serik Kúdebaev osy jyldyń sáýir aıynda ustalyp, Qazaqstanǵa jetkizildi. Bul aqparatty Bas prokýror Berik Asylov resmı túrde rastaǵan edi.
