«Qaraǵandyǵa Almaty qalasyndaǵy Hyundai Trans Auto zaýytynda jasalǵan segiz, jańa qyryq oryndyq mektep avtobýsy keldi. Bul kólikter Abaı, Buqar jyraý, Qarqaraly, Shet aýdandary men Temirtaý qalasy Aqtaý kentiniń balalaryn qaýipsiz tasymaldaýdy qamtamasyz etedi, – deıdi bilim basqarmasynyń basshysy Gúlsim Qojahmetova.
Byltyrdan beri aýyl mektepterine zamanaýı 27 avtobýs berildi. Kólikter qazirgi zaman talaptaryna saı. Atap aıtqanda, mektep sómkelerine arnalǵan sórelermen, esik ashylǵanda qozǵalysty buǵattaý júıesimen jabdyqtalǵan. Jyldamdyǵyn 60 km/saǵattan asyrmaıtyn shekteý tetigi bar.
Buǵan deıin QazTehna zaýytynyń 19 jańa avtobýsy aýyl mektepterine tabystalǵan bolatyn.
QARAǴANDY
