Qazaqstan tennıs federasııasynyń habarlaýynsha, dodanyń úshinshi raketkalary bolyp tirkelgen qazaqstandyq tennısshi men majarstandyq Tımeıa Babosh alǵashqy aınalymda chehııalyq Anastasııa Detıýk – venesýelalyq Andrea Gamıspen sheberlik baıqasty.
Tartysty ótken birinshi partııada qazaqstandyq-majarstandyq dýet taı-breıkte jeńisti julyp aldy – 7:6 (7:3). Ekinshi sette Detıýk pen Gamıske esh múmkindik qaldyrmady – 6:0.
Álemniń 61-raketkasy Iýlııa Pýtınseva Marokko astanasy Rabatta ótip jatqan WTA 250 týrnırin jeńispen bastady. Topyraq tósenishinde ótip jatqan jarystyń alǵashqy aınalymynda qazaqstandyq tennısshi dúnıejúzilik reıtıngte 1230-orynda turǵan marokkolyq Aıa El-Aýnımen sheberlik baıqasty.
Birinshi partııada úsh breık jasaǵan Pýtınseva aıqyn basymdylyq kórsetti – 6:1. Ol ekinshi sette de 3:0 esebimen alǵa ketip 6:4 esebimen jeńdi.
Iýlııa Pýtınseva júlde qory 259 303 AQSh dollaryna baǵalanǵan dodanyń shırek fınalyna shyǵý úshin álemniń 129-raketkasy, fransııalyq Leolııa Janjanmen kezdesedi.
