Eńbek jáne halyqty áleýmettik qorǵaý mınıstrliginiń málimetinshe, 2020 jyldan bastap AÁK alatyn otbasylardyń mektep jasyna deıingi balalaryna qosymsha zattaı túrdegi azyq-túlik pen turmystyq jıyntyqtar berildi. Olar qıyn ómirlik jaǵdaıǵa tap bolǵan otbasylar úshin jaqsy qoldaý bolyp, pandemııa kezinde mańyzdylyǵyn dáleldedi.
Kepildendirilgen áleýmettik toptamany usyný kezeńinde jıyntyq alatyn otbasylardan kómektiń osy túrin aqshalaı formatqa aýystyrý, ıaǵnı balanyń qajettilikterine súıene otyryp, ónimdi satyp alý múmkindigin berý týraly usynystar tústi.
2023 jylǵy 1 qańtardan bastap bul áleýmettik toptama 1 jastan 6 jasqa deıingi balalardy qosa alǵanda árbirine 1,5 AEK mólsherinde qosymsha aı saıynǵy tólem túrinde usynylady (2023 jyly – 5 175 teńge). Bul QR Áleýmettik kodeksinde kózdelgen balaly otbasylardy áleýmettik qoldaýdyń ataýlylyǵyn kúsheıtý jónindegi sharalardyń biri.
2023 jylǵy 1 mamyrdaǵy jaǵdaı boıynsha 2,6 mlrd teńgeden astam somaǵa 80,8 myń otbasyndaǵy 150,8 myń balaǵa qosymsha tólem taǵaıyndaldy.
