22 mamyrda saǵat 15:25-te Abaı oblysynyń Borodýlıha aýdanynda, Aýyl stansııasynan 7 km qashyqtyqta qurǵaq shóp órtenip, keıinnen «Semeı Ormany» mór aýmaǵyna kóshti.
«О́rttiń jalpy aýmaǵy 1500 Ga. Orman alqabynda qurǵaq shóp órtenip jatyr. Eldi mekenderge tóngen qaýipke baılanysty Berezovka shıpajaıy men Berezovka podhozynan 277 adam óz betinshe týystaryna evakýasııalandy. Berezovka shıpajaıy men Berezovka podhozy ornynda 15 qyzmetker kezekshilik etedi», dep jazylǵan mınıstrliktiń aqparatynda.
Orman órtin sóndirýge barlyǵy 100 birlik tehnıka (onyń ishinde 1 órt poıyzy) jáne 2 tikushaq, sondaı-aq 402 adam jumyldyryldy.
Qosymsha Astana qalasy, Pavlodar jáne Qaraǵandy oblysy TJD kúshteri men quraldarynan 133 adam jáne 26 birlik tehnıka jiberildi. Sondaı-aq «Qazavıspas» AQ-nyń MI-8 tikushaǵy (ekıpajy 4 adam) Qaraǵandy qalasynyń áýejaıynan ushyp shyqty.
Táýligine 2 tikushaqpen barlyǵy 59 157,5 tonna sý tógildi.
«О́rt ornyna vıse-mınıstr general-maıor M. Kúldikov kelip jetti. Daǵdarys ortalyqtarynda Abaı oblysynyń TJM jáne TJD jedel shtabtary jumys isteıdi. Senim telefony ashyq», delingen habarlamada.
