Beıbit Shahanov 1979 jyly dúnıege kelgen. Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetin, Qazaq memlekettik zań ýnıversıtetin jáne Qazaq kommersııalyq-qarjy akademııasyn bitirgen. Sondaı-aq Ulybrıtanııadaǵy Lankaster ýnıversıtetinde oqyǵan.
Eńbek jolyn 2002 jyly Qazaqstan Respýblıkasy Tabıǵı monopolııalardy retteý agenttiginiń Monopolııaǵa qarsy zańnamanyń saqtalýyn baqylaý departamentiniń jetekshi mamany bolyp bastaǵan.
Osy jyldary Qarjy mınıstrliginiń, Bilim jáne ǵylym mınıstrliginiń, Qorshaǵan ortany qorǵaý mınıstrliginiń qurylymdyq bólimshelerinde basshylyq qyzmetterdi atqarǵan.
2015-2022 jyldary Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq jáne jer resýrstaryn basqarý komıtetinde, Investısııalar jáne damý mınıstrliginde, Indýstrııa jáne ınfraqurylymdyq damý mınıstrliginde jumys istegen.
2022 jyldyń maýsym aıynan bastap qazirgi taǵaıyndalǵanǵa deıin Almaty qalasy qurylys basqarmasynyń basshysy qyzmetin atqardy.
