Almaty qalalyq sotynyń baspasóz qyzmeti mamandandyrylǵan aýdanaralyq tergeý soty sotqa deıingi tergeý organynyń ótinishin qanaǵattandyryp, Qaırat Qudaıbergendi qamaýda ustaý merzimin bir aıǵa, ıaǵnı 21 maýsymǵa deıin uzartýǵa sanksııa bergenin habarlady.
2022 jyldyń 22 sáýirinde Almaty qalasy máslıhatynyń depýtaty Qaırat Qudaıbergenniń ustalǵany belgili boldy. Sot oǵan qatysty 30 táýlikke qamaýǵa alý túrindegi bultartpaý sharasyna sanksııa berip, keıin qamaýǵa alý merzimi birneshe ret uzartyldy.
О́tken jyldyń shilde aıynda Qaırat Qudaıbergen depýtattyq mandatynan aıyryldy.
Eske sala ketsek, 2022 jyldyń qańtar aıynda Q.Qudaıbergen A.Jumageldıevpen («Dıkıı Arman») birge «Qazaqstan» qonaq úıinde adam jınap, Jumageldıevtiń aınalasyna birigýge, ony qoldaýǵa, sondaı-aq adamdardy 10 adamnan «uıashyqtar» boıynsha bólip jáne olardyń toptarynyń erekshelikteriniń belgisi retinde qoldaryna aq tańǵyshtardy tańýǵa nusqaý bergeni anyqtaldy.
