Komandalyq esep boıynsha astanalyq qyzdar bárinen basym túsip, tórt altynmen birinshi oryn aldy. Atap aıtsaq, Rımma Volosenko (60 kg), Aıda Ábikeeva (63 kg), Valentına Halzova (75 kg) men Lázzat Kúngeıbaeva (+81 kg) chempıon boldy.
Úsh altyn medaldi almatylyq qyzdar enshilep, komandalyq esepte ekinshi orynǵa jaıǵasty. Altyn alǵan almatylyq qyzdar – Alýa Balqybekova (48 kg), Nazym Qyzaıbaı (50 kg) jáne Jazıra Jazyqbaeva (52 kg). Qysqasy, barlyq jeńil salmaqtarda almatylyq qyzdar eshkimge des bermedi.
Komandalyq esep boıynsha eki altyn alǵan Shymkent qalasynyń komandasy úshinshi orynǵa turaqtady. Bulardyń arasynan Jaına Shekerbaeva (54 kg) men Mádına Nurshaeva (70 kg) chempıon atandy.
Sondaı-aq Aqmola oblysynyń ókili Karına Ibragımova (57 kg) men soltústikqazaqstandyq Natalıa Bogdanova (66 kg) chempıon boldy.
PETROPAVL
