Kópen atyndaǵy syılyq

Baıqaýdyń alǵashqy keze­ńinde Seıit Kenjeah­met­uly­nyń osydan otyz-qyryq jyl buryn «Tamasha» oıyn-saýyq teatrynda qoıylǵan shy­­ǵarmalary sahnalandy. Osy­laısha, kezinde Ýaıys Sul­­tanǵazın, Meıirman Nu­rekeev, Toqsyn Qulybekov, Qudaıbergen Sultanbaev, Tuń­ǵyshbaı Jamanqulov syndy sahna sańlaqtary som­da­ǵan qısyq keıipkerler «Mir­­­diń oǵy» arqyly qaıta ti­rilip, qalyń kórermenimen

qaı­­­y­ra qaýyshty. Baıqaýdyń qorytyndy keze­ńinde teatr­lardyń bárine bir­deı óz qalaýlary boıynsha daıyndap ákelgen qoıylym­da­ryn kórsetýge múmkindik be­rildi.

Uıymdastyrýshylardyń aıtýyna qaraǵanda, atalǵan baıqaýdyń, ásirese, respýb­lıkalyq deńgeıdegi sah­na­larǵa shyǵýǵa múmkindigi az, kóbine-kóp aýdan, aýyl kó­leminde ǵana óner kórsetip júrgen kór­­­kemónerpazdar ókil­derinen qurylǵan qatar­daǵy teatrlarǵa bereri mol.

Bıylǵy festıvaldyń eń basty jańalyǵy – tuńǵysh ret satıra sardary Kópen Ámir­bekuly atyndaǵy ar­naıy syılyqtyń taǵaıyn­da­lýy.

– Osy baıqaýdyń basynda Kópen aǵamyz júrýshi edi. «Mirdiń oǵy» bıyl birinshi ret Kópensiz ótip otyr, árıne, kóńil qulazytady. Ol kisiniń Seıit Kenjeahmetulyna degen qurmeti erekshe edi. Byltyr naýqasyna qaramastan, qaıt­sem de baram dep osynda kelip, ústelde kóp otyra almaı, dı­vanǵa baryp jantaıyp jatyp jas teatrlardyń ónerin baǵalap, aqyl-keńesin aıtyp ketti. Kópen aǵanyń bir kó­rinip ketkeniniń ózi nege turady? Byltyr osy baıqaýǵa kelip-ketkennen keıin, bir je­tiden keıin qaıtys boldy. Munyń ózi satıra sardarynyń Seıit aǵasyna degen yqylas-qur­metiniń erekshe bolǵanyn kór­setedi, – deıdi qazylar alqa­synyń múshesi, aqyn Aby­laı Maýdanov.

Qazylar alqasynyń uıǵa­rýymen baıqaýdyń bas júl­desi Túrkistan oblysy Kentaý qalasynan kelgen «Kúlki tera­peıasy» ázil-syqaq teatryna buıyr­­dy. Al Jambyl oblysy Turar Rysqulov aýda­nynyń «Bas­qar Bıtanov» halyq teatr­y birinshi oryndy jeńip al­dy. Ekinshi oryndy Jańaózen qala­synyń «Bos­­tan» ázil-syqaq teatr­y en­shilese, Qyzylorda ob­ly­­sy­nyń Shıeli aýdanynan kel­­gen «Jadyra» ázil-sy­qaq teatry úshinshi oryndy qanaǵat tutty. Pavlodar oblysy Maı aý­danynyń Merzıhan Shaı­hın atyndaǵy halyq teatry Kópen Ámirbek atyndaǵy arnaıy syılyqty ıelendi. Al baıqaýǵa Qostanaı aýdanynan qatysqan «Kún men Tún» ázil-syqaq teatry Ǵumar Ahmetchın atyndaǵy syılyqty aldy.

Qostanaı oblysy