Oǵan QR Ulttyq ulanynyń Bas qolbasshylyǵy men óńirlik qolbasshylyqtarynyń baspasóz qyzmetteri men uıymdastyrýshy-tilshileri jáne QR Ulttyq ulan akademııasy ókilderi qatysty. Sondaı-aq basqosýda irgeli joǵary oqý ornynyń oqytýshylar quramy boldy.
Praktıkalyq sabaqtar Memleket basshysynyń qoǵamda jáne memlekette turaqtylyq pen qaýipsizdikti saqtaý jónindegi ıdeıalary tóńireginde jeke qurammen ıdeologııalyq jumysty jandandyrý, sondaı-aq jahandyq syn-qaterlermen qazaqstandyq jýrnalıstıkanyń qazirgi zamanǵy problemalaryn zerdeleý maqsatynda ótkizildi.
- Búginde Ulttyq ulan áskerı qyzmetshileriniń batyldyǵy men janqııarlyǵynyń oń úlgileri negizinde biz buqaralyq aqparat quraldary arqyly jeke quramdy jańa qazaqstandyq patrıotızm men Otanǵa adaldyq rýhynda tárbıelep otyrmyz, - dedi Ulttyq ulannyń aqparattyq-baspa bóliminiń bastyǵy –«Qalqan» gazeti men «Búrkit» jýrnalynyń bas redaktory polkovnık Erbolat Sultanov.
Jıynnyń birinshi kúni «Áskerı qyzmetshilerdiń batyldyǵy men erlikteriniń oń mysaldarynda jeke quramdy tárbıeleýde BAQ resýrstaryn paıdalaný», «Facebook, Instagram jáne YouTube áleýmettik jelilerinde baspasóz qyzmeti ofıserleriniń jumysynyń ınnovasııalyq nysandary men ádisteri, jaǵymsyz jáne destrýktıvti elementterge aqparattyq qarsy turý»taqyryptarynda dárister ótkizildi. Onda jıynǵa qatysýshylar Ulttyq ulan týraly aqparattardy ınternette taratýdy uıymdastyrý máselelerin talqylady.
Ál-Farabı atyndaǵy QazUÝ dosenti Aleksandr Rojkov «Oqıǵalyq kommýnıkasııalar jáne PR-aqparat dızaıny» taqyrybynda dáris oqydy. Al «SMM-niń damý trendteri» taqyrybynda dáristi «sector X» radıosynyń PR-qyzmetiniń jetekshisi Anýar Ýshýrov júrgizdi.
Alǵashqy kúnniń josparly sabaqtarynan keıin ál-Farabı atyndaǵy QazUÝ ókilderi Ulttyq ulannyń áskerı jýrnalısterine stýdenttik qalashyq aýmaǵyn aralatyp, jýrnalıstıka fakýlteti, murajaı jáne kitaphana boıynsha tanystyrý ekskýrsııasyn ótkizdi.
Aıta ketý kerek, 2022 jyldyń qorytyndysy boıynsha respýblıkalyq jáne óńirlik buqaralyq aqparat quraldarynda QR Ulttyq ulany áskerı qyzmetshileriniń qyzmeti týraly barlyǵy 9947 materıal jaryq kórgen. Salystyrmaly túrde alar bolsaq, 2021 jyldyń kórsetilgen kezeńinde túrli BAQ-ta 4655 materıal jarııalanǵan.
Jıynnyń ekinshi kúni áskerı jýrnalısterge ál-Farabı atyndaǵy QazUÝ jýrnalıstıka fakýltetiniń Baspa-redaktorlyq jáne dızaın óneri kafedrasynyń aǵa oqytýshysy IzbasarTurǵynbaev «Sıfrlandyrýdyń baspa-polıgrafııa isine áseri» jaıly leksııa oqydy. «Shyǵys» О́ńQ-nyń baspasóz qyzmetiniń bastyǵy kapıtan Baǵdat Amangeldi «Áleýmettik jelilerde kezigetin aqparattyq qaýip-qaterdi anyqtaý men joıý» taqyrybynda sabaq ótkizdi. Sondaı-aq ol aqparattyq shabýylmen kúres barysynda qoldanýǵa bolatyn túrli ádis-tásilder jaıly oıyn ortaǵa saldy.
Jıyn barysynda QR Ulttyq ulanynyń Bas qolbasshylyǵy men óńirlik qolbasshylyqtarynyń baspasóz qyzmetteri mamandary BAQ salasyndaǵy QR zańnamasy boıynsha synaqtan ótti. Munda áskerı jýrnalısterge kúndelikti ómirde kezigetin jaǵdaıattar men salalyq zańǵa qatysty saýaldar qoıyldy. Budan bólek olardyń ózderine júktelgen mindetteri men jaýapkershilikteri suraldy.
Lektor Aıman Qaımýldına men Alma Kenjebekova áskerı jýrnalısterge Ulttyq ulannyń áleýmettik jelidegi abyroı-bedelin qalyptastyrý men ony saqtap qalýdyń joldaryn kórsetti. Bul jýrnalıster úshin asa mańyzdy ári qyzý talqylanǵan kezdesýlerdiń biri boldy. Osydan keıin jan-jaqtan jınalǵan baspasóz qyzmetkerleri bir-birimen tájirıbe almasty. Olar byltyr jáne 2023 jyldyń I toqsanynda atqarǵan jumystary jaıly esep berdi.
Máselen, 2022 jyly QR UU Baspasóz qyzmeti elimizdegi buqaralyq aqparat quraldarynda 2 277 materıal jarııalaǵan. Al «Ortalyq» О́ńQ – 1893, «Ońtústik» О́ńQ – 1384, «Shyǵys» О́ńQ – 1109, «Batys» О́ńQ – 919, UU Akademııasy – 408 materıal shyǵarǵan.
О́ńirlik qolbasshylyqtardan kelgen mamandar bıylǵy I toqsanda oryndalǵan jumystarmen de tanystyrdy.
«2023 jyldyń 1-shi toqsanynyń qorytyndysy boıynsha respýblıkalyq jáne óńirlik buqaralyq aqparat quraldarynda Qazaqstan Respýblıkasy Ulttyq ulanynyń «Batys» óńirlik qolbasshylyǵynyń jaýyngerlik qyzmeti men kúndelikti tynys – tirshiligi týraly 415 materıal jaryq kórdi. Onyń ishinde baspada – 87, (jazba, suhbat, maqala, reportaj sııaqty pýblısıstıkalyqjanrlar) teledıdarda – 39, aqparattyq agenttikterde jáne áleýmettik jelilerde - 185 materıal jarııalandy», dedi «Batys» О́ńQ baspasóz qyzmetiniń basshysy kapıtan Ertýǵan Áýbákir.
Ulttyq ulannyń aqparattyq-baspa bóliminiń bastyǵy – «Qalqan» gazeti men «Búrkit» jýrnalynyń bas redaktory polkovnık Erbolat Sultanov О́ńQ baspasóz qyzmetiniń basshylarynyń baıandamasyn tyńdap, olardyń jumystaryndaǵy olqylyqtar men jetistikterge toqtaldy. Sonymen qatar halyqty «Ulttyq ulannyń» qyzmeti jaıly aqparatpen basylym betterinde jáne ınternet resýrstarynda jıi ári sapaly nasıhattaý keregin basa aıtty.
Erekshe atap ótetin taǵy bir jaıt, jıyn barysynda ózge de memlekettik organdardan kelgen qyzmetkerlermen kezdesý ótti. Almaty oblysy polısııa departamentiniń ishki jáne syrtqy kommýnıkasııa bóliminiń basshysy Ernar Saıdildın jáne Almaty qalasynyń Tótenshe jaǵdaılarlardy joıý basqarmasynyń aǵa ınjeneri, azamattyq qorǵaý salasynyń maıory Gúldana Nurymbetova bastaǵan azamattar ózara yqpaldastyq jaıyn sóz etti. Sondaı-aq ózge qurylymdardan kelgen mamandar da jumys tájirıbelerimen bólisip, pikir almasty.
Ýnıversıtet qabyrǵasyndaǵy oqý-ádistemelik jıynnyń ekinshi kúni Almaty telearnasynyń ǵımaratynda aıaqtaldy. Munda áskerı jýrnalısterdi Almaty telearnasynyń bas dırektorynyń orynbasary Ǵazıza Japarova men arnanyń aqparattyq-saraptamalyq baǵdarlamalar jobasynyń koordınatory Shynar Satybaldıeva qarsy aldy. Ulttyq ulannyń baspasóz qyzmetkerleri telearna ujymymen tanysty. Arna qyzmetkerleri qonaqtarǵa «Arnaıy jobalar», «Daýys jazý», «Montaj jasaý» jáne «Túsirý pavılony» sekildi kabınetteri men stýdııalaryn kórsetti. Áńgime barysynda áriptestik baılanys jasaýdyń mańyzdylyǵy sóz boldy.
«Áskerı salaǵa qatysty aqparattardy nazarymyzdan tys qaldyrmaýǵa tyrysamyz. Elimizdiń áskerı áleýeti jaıly bizge kelip túsken aqparattar negizinde sıýjetter kórsetemiz. Tapsyrma boıynsha da túsirilimder jasaımyz. Baspasóz qyzmetkerlerimen baılanysymyz jaqsy. Onyń ishinde Ulttyq ulannyń baspasóz qyzmetinde ataýǵa bolady», dedi Shynar Satybaldıeva.
Osylaısha úsh kúnge josparlanǵan oqý-ádistemelik jıyn joǵary deńgeıde jalǵasyp jatyr. Jıynnyń sońǵy kúni «Buqaralyq aqparat quraldarynda patrıotızmdi nasıhattaýdaǵy áskerı baspasózdiń róli» taqyrybynda dóńgelek ústel ótedi.
Janbolat KENJEǴUL
