Básekege qabiletti mádenıet kerek

ASTANA. 18 shilde. Qazaqstan Respýblıkasy Mádenıet mınıstrligi, Qazaq ǵylymı-zertteý mádenıet ınstıtýty uıymdastyrýymen «KО́RME» kórme ortalyǵy men Ulttyq akademııalyq kitaphanada ótken dóńgelek ústelderge qatysýshylar Qazaqstannyń mádenı saıasaty Tujyrymdamasynyń jobasyn jan-jaqty talqylap, usynys-pikirlerin ortaǵa saldy. Bul týraly egemen.kz tilshisi habarlady. Keńestik dáýirde qalyptasyp qalǵan qasań qaǵıda boıynsha mádenıet degenimiz ár adamnyń bos ýaqytynda ǵana kóńil bóletin, sondaı-aq kóbine oıyn-saýyq sıpatyndaǵy sharalar boldy desek, endigi ýaqytta ol ulttyq ıdeologııany qalyptastyrýdyń basty quralyna aınalmaq. Keleshekte mundaǵy óner men mádenı uıymdar ekonomıkalyq turǵyda paıda ákeletin tabys kózi deńgeıine jetýi tıis delinýde. Mysaly, kınoındýstrııa, balalarǵa, úlkenderge arnalǵan mýltfılmder, sırktik óner, konserttik jáne teatr shyǵarmashylyǵy sııaqty t.b. sandaǵan sala qazir memlekettiń qarjysymen ǵana jan saqtap tur. Al álemdik tájirıbe mysaldary múlde basqa jaǵdaılarǵa kóz jetkizýde. Ásirese, jahandaný tusynda bul basymdyqtar barynsha aıqyndala túsýde. Bir ǵana kınoındýstrııanyń ǵalamat týyndylarynyń ózinen elderine qyrýar tabys keltirip otyrǵan álemdik deńgeıdegi kompanııalar qanshama. Mundaı zamanaýı úrdisterdi mýzeı, teatr sııaqty basqa da mádenı oshaqtar bastan keshýde. Qazaqstan Respýblıkasynyń Parlamenti Senatynyń dóńgelek ústelinde, «Nur Otan» HDP qarasty «Mıras» qoǵamdyq keńesi, Ulttyq kásipkerler palatasy men shyǵarmashylyq odaqtary ókilderi otyrystarynda talqylaýdan ótken Tujyrymdama jobasy budan ári qaraı shyǵarmashylyq adamdarynyń, kásipkerler men memlekettik organdardyń, BAQ ókilderiniń qatysýymen keńinen talqylanýda. Mysaly, «Kórme» kórme zalyndaǵy dóńgelek ústelde Mádenıet mınıstrliginiń saraptama jáne strategııalyq josparlaý departamenti dırektorynyń orynbasary Vıktor Rodıonov, QazǴZMI bas dırektorynyń birinshi orynbasary Andreı Hazbýlatov, Sas atyndaǵy memlekettik balalar men jasóspirimder teatrynyń dırektory Nadejda Gorobes, IýNESKO-nyń materıaldyq mádenıet emes mádenı mura máseleleri boıynsha sarapshysy Almıra Naýryzbaeva, Ulttyq mýzeıdiń dırektory Darhan Myńbaı,  Ulttyq akademııalyq kitaphananyń dırektory Úmithan Muńalbaeva, M.Gorkıı atyndaǵy memlekettik akademııalyq orys drama teatrynyń dırektory Erkin Qasenov jáne t. b. Tujyrymdama jobasy týraly óz pikir-usynystaryn ortaǵa sala kelip, negizinen mundaǵy máselelermen tolyqtaı kelisetindikterin aıtty. Qarashash Toqsanbaı. Derekkóz: egemen.kz Foto: www.google.com