Kezdesý saltanatty is-sharamen bastaldy. Senat keńesiniń múshesi, Qazaqstannyń Halyq Qaharmany Muhtar Altynbaevqa Ulytaý oblysynyń Qurmetti azamaty ataǵy berilgen edi. Osyǵan oraı arnaıy lenta, kýálik pen tósbelgini tapsyrǵan oblys ákimi Berik Ábdiǵalıuly men oblystyq máslıhattyń hatshysy Baýyrjan Shyńǵysov qazaqy dástúrmen Muhtar Qapashulynyń ıyǵyna shapan japty.
Kezdesýde sóz alǵan B.Áıtimova, Q.Aıtahanov, Q.Sultanov jáne Mádenıet jáne sport mınıstrligi Mádenıet komıtetiniń tarıhı mádenı mura basqarmasynyń basshysy J.Seıdalıeva, Ulytaý oblystyq ardagerler keńesiniń tóraǵasy S.Qojamseıitov, Qazaqstan Jazýshylar odaǵy oblystyq fılıalynyń tóraǵasy B.Myrzabekov óńirdi damytý týraly oılaryn ortaǵa aldy.
Munan keıin keńes músheleri tarıhı oryndardy aralady, M.Tóregeldın atyndaǵy Jezdi taý-ken jáne balqytý isi tarıhy mýzeıinde boldy, Anneks kenishinde shahtaǵa túsip, kenshilermen pikirlesti. Sondaı-aq S.Qojamqulov atyndaǵy teatrda Ǵ.Jaılybaıdyń «Qara oramal» poema-rekvıemi jelisinde qoıylǵan spektaldi tamashalady.
– Biz osynda jınaqtalǵan usynys-pikirlerdi Senatqa jetkizemiz, olardyń oń sheshimin tabýyna atsalysatyn bolamyz, – dedi óz sózinde Senat keńesiniń múshesi Birǵanym Áıtimova.
Ulytaý oblysy
