Brenda Frýgvırtova WTA reıtınginde 146-orynda tur. Ol nebári 16 jasta.
Match erteń, 28 mamyrda ótedi.
Al taǵy bir qazaqstandyq tennısshi Iýlııa Pýtınseva birinshi raýndta belgııalyq Marına Zanevskaıamen oınaıdy. Iýlııa Pýtınseva munyń aldynda Rabattaǵy (Marokko) týrnırdiń shırek fınalynda argentınalyq tennısshi Hýlııa Rıeradan jeńilip qalǵan edi.
Sonymen qatar, erler arasyndaǵy Qazaqstannyń birinshi raketkasy Aleksandr Býblıktiń de alǵashqy matchtaǵy qarsylasy belgili boldy. Ol ıtalııalyq tennısshi Djýlıo Zepperımen oınaıdy.
Al Qazaqstannyń ekinshi raketkasy Tımofeı Skatov alǵash ret tennısten 2023 jylǵy Fransııadaǵy ashyq chempıonattyń negizgi kezeńinde óner kórsetedi. Ol keshe, 26 mamyrda irikteý kezeńiniń fınalynda brazılııalyq Felıpe Melıgen Alvesti jeńgen edi.
