Qaqtyǵys sýǵa talastan bolǵan. Oqty kim birinshi atqany belgisiz. Qos tarap birin-biri aıyptap otyr.
Oqıǵadan keıin Irannyń Belýdjıstan men Aýǵanstannyń Nımroz aımaǵynda ornalasqan iri shekara beketi jabyldy.
Aýǵanstan ishki ister mınıstrliginiń baspasóz hatshysy Abdýl Nafı Takor Iran tarapy birinshi bolyp oq jaýdyrdy dep aıyptady.
Takor atys kezinde eki elden eki adam qaza tapqanyn aıtty.
«Qazir jaǵdaı baqylaýda. Islam ámirligi (Aýǵanstan) kórshilerimen soǵysqysy kelmeıdi», dedi baspasóz hatshysy.
Keıin IRNA agenttigi eki ırandyq shekarashynyń qaza tapqanyn jáne eki ırandyq beıbit turǵynnyń jaralanǵanyn habarlady.
