1987 jyly Engelına Ǵabıtqyzy mýzeıge jazýshynyń osy shynjyr baýly qalta saǵatyn tartý etti. Chelıabi saǵat jasaý zaýytynan shyqqan. Markasy «Molnııa». Zaýyt 1947 jyldyń 17 qarashasynan bastap 2007 jylǵa deıin osy markaly qalta saǵattaryn shyǵarǵan. Jazýshyǵa saǵatty 1982 jyly 80 jyldyǵyna syıǵa bergen. Temirden órilip jasalǵan shynjyrly baýy, ashylyp-jabylmaly qaqpaǵy bar. Qaqpaqtyń aldyńǵy betinde sańyraý qur men shyrsha, al ekinshi betinde ósimdik beınesi salynǵan. Saǵat pen mınýt kórsetetin tilderi bar. Sekýnd kórsetetin tili saǵat betiniń sol jaǵynda ornalasqan. Ýaqyt birlikteri arab sandarymen kórsetilgen. Dıametri 4,6 mm, qalyńdyǵy 1,65 mm. Shynjyrly baýynyń uzyndyǵy 32 sm. Ǵabeńniń sońǵy ustaǵan saǵaty bul kúnde qundy jádiger retinde mýzeı ekspozısııasyna qoıylyp, kópshilik nazaryna usynylǵan.
Rashıda Otarova,
S.Muqanov pen Ǵ.Músirepovtiń ádebı-memorıaldyq
mýzeı kesheniniń ǵylymı qyzmetkeri
