Medısınalyq mekeme MJÁ boıynsha salynǵan. Aýrýhana 19 myńnan astam pasıentke qyzmet kórsetýge qaýqarly. Sondaı-aq munda áreń júretin naýqastar úshin barlyq jaǵdaı jasalǵan.
«Bizdiń emhana 1978 jyly salynǵan ǵımaratta bolǵan. Oǵan eshqashan kúrdeli jóndeý jasalmaǵan edi. Biz óz jumysymyzdy otbasylyq-dárigerlik ambýlatorııa retinde bastadyq, 2000 jyly emhanaǵa aınaldyrdyq», deıdi № 2 emhananyń dırektory Aınagúl Kúlembaeva.
Endi pasıentter medısınalyq-sanıtarııalyq alǵashqy kómek qyzmetteriniń barlyq tizbesin, arnaıy mamandardyń konsýltasııasyn ala alady. Analızder tapsyryp, kúndizgi stasıonarda emdelýge bolady, sondaı-aq ońaltý kómegi men fızıoterapııa alýǵa múmkindik bar.
Emhananyń janyndaǵy jedel járdem, áleýmettik dárihananyń, pasıentterdi qoldaý qyzmetiniń jumysy jolǵa qoıylǵan.
Emhananyń jańa ǵımaratynda dıagnostıkalyq qyzmetter de kózdelgen. Ýltradybystyq zertteýlerdiń tolyq spektri, endoskopııalyq zertteýler - ezofagogastrodýodenoskopııa, kolposkopııa bar. Jeke úı-jaıda rentgen apparaty ornatylǵan, sondaı-aq pasıentter tredmıl-test pen veloergometrdi qoldana otyryp júkteme synamalaryn tapsyra alady, elektrokardıografııadan, EKG holter monıtorınginen, qan qysymynyń táýliktik monıtorınginen, aýdıometrııadan óte alady.
Aıta keteıik jańa aýrýhanada múmkindigi shekteýli jandarǵa barlyq jaǵdaı jasalǵan.
