Bul týraly Rýslan Jeldibaı Zakon.kz tilshisine bergen suhbatynda aıtty.
Onyń aıtýynsha, bul qaǵazda Reseı tarapynyń EAEO kóshbasshylarynyń shaǵyn quramdaǵy kezdesýinde qoıylǵan suraqqa jaýaby jazylǵan.
«Qaǵazda júk jóneltýshi qazaq kompanııalarynyń Reseı temir jolynda ishki tarıf boıynsha taýar tasymaldaý múmkindigi týraly jazylǵan. Reseı Úkimeti Qazaqstan aýmaǵynda mejeli pýnkti bar taýarlardyń jeńildikti tarıfti paıdalana alatynyn atap ótken, alaıda Reseı aýmaǵynda tranzıtpen júretin taýarlarǵa eksporttyq tarıf qoldanylýy tıis dep esepteıdi», deıdi Rýslan Jeldibaı.
Osy oraıda Qasym-Jomart Toqaev el Úkimetine osy másele boıynsha 2015 jylǵy EAEO qurý týraly shart qaǵıdattary negizinde Reseı tarapymen kelissózdi jalǵastyrý jóninde tapsyrma berdi.
Eske sala ketsek, Memleket basshysy 25 mamyrda Máskeýdegi Joǵary Eýrazııalyq ekonomıkalyq keńestiń otyrysyna qatysqan edi.
