«Qazgıdromet» RMK málimeti boıynsha, atmosferalyq frontaldy ýchaskelerdiń ótýimen respýblıkanyń basym bóliginde naızaǵaı oınap, jańbyr jaýady.
Aýa raıy boljamy boıynsha tek soltústik-batysta, respýblıkanyń ońtústik jartysynda jaýyn-shashynsyz ashyq aýa raıy saqtalady.
Respýblıka boıynsha jel kúsheıip, batysta, ońtústikte shańdy daýyl soǵady.
Atyraýdyń basym bóliginde, Mańǵystaýdyń ońtústiginde, Aqtóbede, Qostanaıdyń ortalyǵynda, Batys Qazaqstan oblystarynyń ońtústik-shyǵysynda aptap ystyq bolady.
«Qostanaıdyń basym bóliginde, Qyzylordada, Pavlodardyń ortalyǵynda, Atyraýdyń shyǵysynda, Qaraǵandyda, Ulytaý ortalyǵynda, Aqtóbeniń ońtústik-batysynda, Abaı oblysynyń soltústiginde tótenshe órt qaýpi saqtalady», delingen mamandardyń boljamynda.
Astanada kóshpeli bult shyǵady, kúndiz ótkinshi jańbyr jaýady, naızaǵaı oınaıdy. Batystan soǵatyn jel soltústik-batystan - 9-14, kúndiz ekpini - 15-20 m/s. Aýa temperatýrasy túnde +13+15°S, kúndiz +29+31°S.
Almatyda kóshpeli bult shyǵady, kún jaýyn-shashynsyz ótedi. Soltústik-shyǵystan 2-7 m/s jel soǵady. Aýa temperatýrasy túnde +10+12°S, kúndiz +25+27°S.
Shymkentte kóshpeli bult shyǵady, jaýyn-shashyn kútilmeıdi. Shyǵystan soǵatyn jeldiń kúshi - 8-13, kúndiz ekpini - 15-20 m/s. Aýa temperatýrasy túnde +16+18°S, kúndiz +31+33°S.
