Astanada «Dıalog arqyly syn-qaterlerdi eńserý: yntymaqtastyq, damý jáne progress jolynda» taqyrybynda forým ótedi.
Halyqaralyq is-shara asa mańyzdy jahandyq máselelerdi sheshýge baǵyttalǵan. Forýmǵa qatysýshylar búgingi álemdik ahýal, geosaıası shıelenistiń artýy jáne memleketaralyq yntymaqtastyqtyń dástúrli úlgileriniń túbegeıli ózgerýine baılanysty buryn-sońdy bolmaǵan syn-qaterlerge jaýap izdeıdi.
Forýmǵa memleketter men úkimetter basshylary, halyqaralyq uıymdar, iri kompanııalar, saıası qaıratkerler men sarapshy toptyń ókilderi – 300-den astam sheteldik delegattar, olardyń ishinde HVQ, DSU, ADB, EQDB, EQYU, IýNESKO, ShYU basshylary, EQYU PA Tóraǵasy, EYDU jáne AQSh saýda mıssııasynyń ókilderi, keńes músheleri jáne sheteldik ınvestorlar qatysady dep josparlanýda.
Forýmǵa 1000-nan astam sheteldik qonaqtar keledi.
Jıynda syrtqy saıasat jáne halyqaralyq qaýipsizdik, halyqaralyq damý jáne turaqtylyq, energetıka jáne klımattyń ózgerýi, ekonomıka jáne qarjy máseleleri talqylanady.
40-tan astam paneldik sessııa, beıresmı pikirtalas jáne mazmundy jıyndar ótedi. Forýmnyń strategııalyq seriktesteri – BUU jáne CNN.
QR Úkimeti uıymdastyrǵan forým Kongress-ortalyqta (EXPO) ótedi.
