Árıne, keıingi ýaqytta ártúrli deńgeıdegi sheneýnikterdiń halyq aldynda esep berýi, áleýmettik jeliler arqyly baılanysqa shyǵýy da jıiledi. Bul jaqsy úrdisti Sátbaev qalasynyń ákimi Shapaǵat Áýbákir «Aýladaǵy kezdesýler» degen jobamen tolyqtyra tústi.
– Halyqpen júzbe-júz jolyǵyp, kózbe-kóz áńgimeleskenniń jóni bólek. Turǵyndardyń talap-tilekterin, ótinish-shaǵymdaryn tikeleı tyńdaǵanǵa eshteńe jetpeıdi. Bárimiz de bir qalanyń turǵynymyz. Bizdiń de halyqqa aıtarymyz bar, ákimdikke de halyqtyń qoldaý, kómegi qajet. Sondyqtan apta aralatyp, jurt jumystan kelgen keshki ýaqytta aýlalarǵa baryp, kezdesý ótkizýdi uıǵardyq, – deıdi Sh.Áýbákir.
«Ákim bol, halqyńa jaqyn bol!» degendeı, basshylardyń buqaramen baılanysty barynsha nyǵaıtýy ortaq iske tek paıdasyn tıgizeri anyq.
Sátbaev qalasy
