Qazaqstan Respýblıkasy Úkimetiniń qaýlysy №679

2014 jylǵy 19 maýsym,  Astana, Úkimet Úıi «Memlekettik bazalyq zeınetaqy tólemin bıýdjet qarajaty esebinen berý, sondaı-aq ýákiletti uıymnan tólenetin zeınetaqy tólemderin, múgedektigi boıynsha, asyraýshysynan aıyrylý jaǵdaıy boıynsha jáne jasyna baılanysty beriletin memlekettik bazalyq áleýmettik járdemaqylardy, memlekettik arnaıy járdemaqylardy taǵaıyndaý jáne tóleý qaǵıdalaryn bekitý týraly» Qazaqstan Respýblıkasy Úkimetiniń 2006 jylǵy 25 tamyzdaǵy № 819 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Memlekettik bazalyq zeınetaqy tólemin bıýdjet qarajaty esebinen berý, sondaı-aq ýákiletti uıymnan tólenetin zeınetaqy tólemderin, múgedektigi boıynsha, asyraýshysynan aıyrylý jaǵdaıy boıynsha jáne jasyna baılanysty beriletin memlekettik bazalyq áleýmettik járdemaqylardy, memlekettik arnaıy járdemaqylardy taǵaıyndaý jáne tóleý qaǵıdalaryn bekitý týraly» Qazaqstan Respýblıkasy Úkimetiniń 2006 jylǵy 25 tamyzdaǵy № 819 qaýlysyna (Qazaqstan Respýblıkasynyń PÚAJ-y, 2006 j., № 33, 355-qújat) mynadaı ózgerister engizilsin: kórsetilgen qaýlymen bekitilgen Memlekettik bazalyq zeınetaqy tólemin bıýdjet qarajaty esebinen berý, sondaı-aq ýákiletti uıymnan tólenetin zeınetaqy tólemderin, múgedektigi boıynsha, asyraýshysynan aıyrylý jaǵdaıy boıynsha jáne jasyna baılanysty beriletin memlekettik bazalyq áleýmettik járdemaqylardy, memlekettik arnaıy járdemaqylardy taǵaıyndaý jáne tóleý qaǵıdalarynda: 6-tarmaqtyń birinshi bóligi mynadaı redaksııada jazylsyn: «6. Múgedektigi boıynsha beriletin memlekettik áleýmettik járdemaqylardy taǵaıyndaý úshin osy Qaǵıdalardyń 4-tarmaǵynda kórsetilgen qujattarmen qatar, Qazaqstan Respýblıkasy Eńbek jáne halyqty áleýmettik qorǵaý mınıstrligi Baqylaý jáne áleýmettik qorǵaý komıteti aýmaqtyq organdarynyń medısınalyq-áleýmettik saraptama bólimderi belgilengen nysandaǵy múgedektigi týraly anyqtamadan úzindi kóshirme beredi.»; 39-tarmaqtyń ekinshi bóligi mynadaı redaksııada jazylsyn: «Sheteldiktiń nemese azamattyǵy joq adamnyń jeke basyn kýálandyratyn qujattyń qoldanylý merzimi ótkennen keıin zeınetaqy nemese járdemaqy tóleý toqtatylady, al jańa qujat usynylǵan kezde toqtatylǵan zeınetaqy men járdemaqy tólemderi Ortalyq bólimshesi toqtatqan kúnnen bastap, biraq sheteldiktiń nemese azamattyǵy joq adamnyń jeke basyn kýálandyratyn jańa qujatpen ótinish jasar aldyndaǵy úsh jyldan asyrmaı qalpyna keltiriledi.»; 58-tarmaq mynadaı redaksııada jazylsyn: «58. Zeınetaqy nemese járdemaqy alýshy adam qaıtys bolǵan jaǵdaıda, eger jerleýge beriletin birjolǵy tólemge ótinish zeınetaqy nemese járdemaqy alýshy qaıtys bolǵan aıdan keıin úsh jyldan keshiktirilmeı berilgen bolsa, ony jerleýdi júzege asyrǵan adamǵa Qazaqstan Respýblıkasynyń zańnamalyq aktilerinde belgilengen mólsherde jerleýge beriletin birjolǵy tólem tólenedi.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.