Byltyr Ulttyq qoljazba ortalyǵy qyzmetkerleri Úndistannyń Nıý-Delı ulttyq muraǵatynan qazaqtarǵa qatysty Qytaı arqyly Úndistan asqan 3 myńnan astam derekti tapqan bolatyn.
Delegasııa quramyndaǵylardyń aıtýynsha, babalarymyz Lokpala men Karabat qalalarynyń mańynda ómir súrgen. Munan soń qazir qazaqtar ómir súretin Túrkııa jerine aýǵan. Úndistannan ákelingen sýretter men hattar Astanadaǵy muraǵattyq qujattar kórmesinde kópshilikke usynyldy.
– Úndistanǵa 3 200 adam barǵan. Olardyń ózderimen birge 2 000 qoı, 500 shaqty jylqysy bolǵan. О́kinishke qaraı, Gımalaı taýy aýasynyń qysymy, klımattyq jaǵdaıy saldarynan myńdaǵan otandasymyz opat bolǵan. Eger Úndistanǵa barǵan qazaqtardyń tarıhyn tereńirek qaza tússek, munan da kóp derekterge kezigerimiz sózsiz, – dedi Ulttyq qoljazbalar jáne sırek kitaptar ortalyǵynyń dırektory Jandos Boldyqov.
