О́skemendegi IT hab

Aımaqtyq IT hab ortaly­ǵynyń ashylý saltanatyna Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın qatys­ty.

«Smart sıtı» jobalary boıynsha О́skemen qala­lar arasyndaǵy reıtıng boıynsha úshinshi orynda. Jaman kórsetkish emes. Ashyl­ǵan IT hab tek qana bas­tama re­tin­de jasalyp jatyr. Bir­aq bolashaǵy zor. О́ıtkeni «Astana Hub» ortalyǵymen birlesip ashyldy. Buǵan ýnıversıtetter de kómektesedi. Munyń negizgi maqsaty – IT salasyndaǵy jumys istep júrgen mamandardy bir ortaǵa jınaý jáne yntalandyrý, memleket tarapynan qoldaý kórsetý», dedi B.Mýsın.

Sonymen qatar Shyǵys Qazaqstan oblysynyń ákim­digi, «Astana Hub» tehnoparki, D.Se­rikbaev atyndaǵy Shyǵys Qazaqstan tehnıkalyq ýnıver­sıteti arasynda úshjaqty yn­tymaqtastyq týraly memo­randýmǵa qol qoıdy.

Aıta keterligi, IT habtyń ashy­lýyna oblys ákimdigi úlken kómek kórsetti. Mate­rıaldyq-tehnıkalyq bazamen to­lyqtaı qamtamasyz etip, oryn qarastyrdy. Al «Astana Hub» tarapynan ádis­temelik jáne úılestirý ju­mystary boıynsha qol­daý kórsetildi. Qolǵa alynǵan ju­­­mystyń tolyqtaı aıaq­talýyna D.Serikbaev atyn­da­ǵy Shyǵys Qazaqstan tehnı­kalyq ýnı­versıtetiniń IT ma­mandary zor úles qosty. 

Endigi kezekte IT hab sheń­berinde úlken jumys at­qa­rylýǵa tıis. Osy oraıda or­talyqtyń belsendileri oblys jastaryn IT habqa sha­qyrady. Ásirese bolashaq IT mamandardyń ortalyqpen únemi baılanysta bolǵany abzal.

О́SKEMEN