Astanada qala ákimi Jeńis Qasymbek pen Ǵylym jáne joǵary bilim mınıstri Saıasat Nurbektiń qatysýymen stýdenttter jataqhanalaryn salý boıynsha jobalyq keńse ashyldy. Front-ofıstiń negizgi mindeti – jataqhanalar salý jónindegi memlekettik baǵdarlamany iske asyrý úshin qolaıly jaǵdaılar jasaý jáne stýdentterdi turǵyn úımen qamtamasyz etý, sol sııaqty JOO-lar men áleýetti ınvestorlarǵa zańgerlik, konsýltasııalyq jáne saraptamalyq qoldaý kórsetý.
«Elordaǵa oqýǵa keletin stýdentter sany jyl saıyn artyp keledi. Qalada 15 joǵary oqý orny bar, onda 67 myńǵa jýyq stýdent oqıdy. Olardyń bir bóligi bul qaladan emes. Jaýapty mınıstrlikpen birlesip ınfraqurylymdy qurý boıynsha jumys júrgizemiz. Jataqhanalarda kezeń-kezeńimen oryn daıyndaımyz. Bul jumys ınvestorlardy da, joǵary oqý oryndaryn da jumyldyra otyryp júrgiziledi. Biz óz tarapymyzdan jer ýchaskeleri men ákimshilik máseleler boıynsha kómek kórsetemiz», dedi Astana ákimi J.Qasymbek.
Bıyl «Qarjy ortalyǵy» AQ Ǵylym jáne joǵary bilim mınıstrligi ázirlegen jańa tetik boıynsha sýbsıdııalaýǵa jáne basqa da máselelerde kómek kórsetedi. Bul tetik jańa jataqhanalar salý kezinde árbir tósek-oryn úshin sýbsıdııalaýdy kózdeıdi.
Investorlar, Ǵylym jáne joǵary bilim mınıstrligi, Astana ákimdigi, «Qarjy ortalyǵy» AQ jáne birqatar JOO arasynda stýdenttik jataqhanalar salý boıynsha ary qaraı da jemisti yntymaqtastyq ornatý týraly memorandýmdar jasaldy.
