Infografıkany jasaǵan Amangeldi Qııas, «EQ»
Atalǵan agenttik basqarýshy kompanııalardyń qyzmetin retteý sheńberinde zeınetaqy aktıvterin, kredıttik sapasy men ınvestısııalaı alatyn qarjy quraldarynyń tizbesin belgilep, BJZQ-nyń aktıvterin senimgerlik basqarýdy Ulttyq bank pen salymshynyń tańdaýyndaǵy ınvestısııalyq portfeldi basqarýshylar júzege asyrady. Zeınetaqy aqshasyna satyp alýǵa bolatyn qarjy quraldarynyń tizimin Úkimet bekitedi. Basqarý tıimdiligin arttyrý jáne ınvestısııalyq baǵyttar boıynsha usynystardy Ulttyq qordyń basqarý keńesi ázirleıdi.
Sonymen bıyl mamyr aıynda elimizde zeınetaqy aktıvteriniń jalpy somasy 15 677,57 mlrd teńgeni quraǵan. Ulttyq banktiń senimgerlik basqarýyndaǵy BJZQ zeınetaqy aktıvteri 15 668,2 mlrd teńge, ınvestısııalyq portfelin basqarý 9,37 mlrd teńgege jetti. Qarjy mınıstrliginiń memlekettik baǵaly qaǵazdary – 47,38%, kvazımemlekettik kompanııalardyń oblıgasııalary – 10,86%, ekinshi deńgeıli bankterdiń oblıgasııalary men depozıtteri – 6,98%, shetelderdiń memlekettik baǵaly qaǵazdary – 4,60%, halyqaralyq qarjy uıymdarynyń baǵaly qaǵazdary – 2,43% jáne bizdegi emıtentterdiń memlekettik emes oblıgasııalary – 0,10%-dy quraǵan.
Zeınetaqy aktıvterimen satyp alynǵan qarjy quraldary nomınasııalanǵan valıýtalardyń ınvestısııalyq portfeli jóninde ulttyq valıýtadaǵy ınvestısııalar – 70,89%, AQSh dollarynda – 29,06%, basqa valıýtalarda – zeınetaqy aktıvteri portfeliniń 0,05% bolyp otyr. Baǵaly qaǵazdar boıynsha syıaqy túrindegi kirister, onyń ishinde depozıtter men keri REPO operasııalary jáne baǵaly qaǵazdardy naryqtyq qaıta baǵalaýdan túsken kirister 508,96 mlrd teńgeni, syrtqy basqarýdaǵy aktıvter – 25,43 mlrd teńgeni qurady, ózge kirister 1,59 mlrd teńge boldy.
Búgingi kúni el azamattarynyń zeınetaqy aktıvteri memlekettik baǵaly qaǵazdarǵa, kvazımemlekettik sektordaǵy kompanııalardyń baǵaly qaǵazdaryna, korporatıvtik oblıgasııalar men elimizdegi emıtentteriniń aksııalaryna, ekinshi deńgeıli bankterdiń jáne sheteldik bankterdiń depozıtterine, senimdi sheteldik emıtentterdiń quraldaryna ınvestısııalanady.
Bul rette shetel valıýtasyn qaıta baǵalaý 54,16 mlrd teńge kóleminde shyǵyn ákelgen. Zeınetaqy aktıvteri ınvestısııalyq portfeliniń quraldary, oǵan qajetti salalar men valıýtalar boıynsha ártaraptandyrýǵa baılanysty osy jyldyń sáýirindegi jıyntyq kiristiligi oń kórsetkishte boldy. Investısııalaý qyzmetinde valıýta baǵamynyń turaqsyzdyǵy men qarjy quraldarynyń naryqtyq qunynyń ózgerýi jyl basynan beri eseptelgen ınvestısııalyq kiris somasy 481,82 mlrd teńge shamasynda. Salymshylardyń shottaryna bólingen zeınetaqy aktıvteriniń kirisi osy jyldyń basynda 3,13% bolsa, ınflıasııa kezinde 4,20%-dy qurady. Biryńǵaı jınaqtaýshy zeınetaqy qorynyń salymshylary úshin ótken jyldyń mamyrynan bıylǵy sáýirge deıingi aralyqta zeınetaqy aktıvteriniń kirisi – 8,93%.
Investısııalyq portfeldi basqarý jóninde bıylǵy jyly «Jusan Invest» senimgerlik basqarýyndaǵy zeınetaqy aktıvteri 4,13 mlrd teńgeni qurady. Kompanııanyń eń qomaqty ınvestısııalary Qarjy mınıstrliginiń memlekettik baǵaly qaǵazdary – 35,29%, bırjanyń saýda qorlarynyń aksııalary – 32,73%, Ulttyq bank notalary – 21,87%, shetelderdiń memlekettik baǵaly qaǵazdary – portfeldiń 8,80%-y Portfeldiń 58,40%-y teńgemen usynylǵanyn eskere otyryp, 41,60%-y AQSh dollarymen bolǵan. Investısııalyq qyzmet nátıjesinde, sondaı-aq valıýta baǵamynyń turaqsyzdyǵyna jáne qarjy quraldarynyń naryqtyq qunynyń ózgerýine oraı, osy jylǵa eseptelgen ınvestısııalyq kiris somasy 222,61 mln teńge, zeınetaqy aktıvteriniń tabystylyǵy – 5,10%.
«Halyk Global Markets» senimdi basqarýyndaǵy zeınetaqy aktıvteri 2,56 mlrd teńgeni qurady. Portfeldik qurylymdaǵy negizgi ınvestısııalary – keri REPO (kúntizbelik 90 kúnnen aspaıtyn) 32,65%-dy, kvazımemlekettik uıymdarynyń oblıgasııalary – 19,65%, sheteldik emıtentterdiń úlestik quraldary (ETF birlikteri) – 14,84%, mıkroqarjy uıymynyń oblıgasııalary – 9,92%, Ulttyq bank notalary – 9,23%, shetelderdiń ortalyq úkimetteri shyǵarǵan memlekettik mártebesi bar baǵaly qaǵazdary – 6,94%, ulttyq valıýtadaǵy ınvestısııa portfeldiń 78,19%-yn, AQSh dollarymen – 21,81%-yn qurady. Sonymen jyl basynan beri eseptelgen ınvestısııalyq kiris somasy 115,26 mln teńge boldy. Zeınetaqy aktıvteriniń tabystylyǵy – 4,09%-dy quraǵan. «BCC Invest» senimgerlik basqarýyndaǵy BJZQ zeınetaqy aktıvteri 1,44 mlrd teńgeni, ınvestısııanyń negizgi baǵyttarynyń ishinde memlekettik oblıgasııalar – 27,46%, kvazımemlekettik uıymdarynyń oblıgasııalary – 16,11%, aksııalar (ındeks boıynsha ETF) – 10,42%, mıkroqarjy uıymy – 5,91%, elimizdiń rezıdent-emıtentteriniń korporatıvtik oblıgasııalary – 5,29%, sheteldik emıtentterdiń aksııalary men depozıtarlyq qolhattary – portfeldiń 4,36%, ınvestısııalyq shottardaǵy aqshalaı qarajat 28,53%,portfeldiń 76,91%-y ulttyq valıýtadaǵy quraldarǵa, 23,09%-y AQSh dollarynda salynǵan. Investısııalyq qyzmet nátıjesinde jyl basynan beri eseptelgen ınvestısııalyq kiris somasy 56,76 mln teńgeni qurap, zeınetaqy aktıvteriniń tabystylyǵy – 3,47% boldy. Eseptelgen ınvestısııalyq kiristiń birshama bóligi baǵaly qaǵazdardy, onyń ishinde depozıtter men keri REPO operasııalary syıaqyǵa ıe bolǵan.
«Sentras Sekıýrıtız» senimgerlik basqarýyndaǵy BJZQ zeınetaqy aktıvteri 994,32 mln teńgeni qurady. Aktıvterdiń 61,81%-y Qarjy mınıstrliginiń memlekettik baǵaly qaǵazdaryna salynǵan. Investısııalyq shottardaǵy qolma-qol aqsha 11,52% boldy. Elimizdiń uıymdary shyǵarǵan aksııalar men depozıtarlyq qolhattar – 8,76%, kvazımemlekettik uıymdardyń oblıgasııalary – 8,66%. Portfeldiń 77,99%-y ulttyq valıýtadaǵy quraldarǵa, 22,01%-y AQSh dollarynda salynǵan. Investısııalyq qyzmet jáne qarjy quraldarynyń naryqtyq qunynyń ózgerýi nátıjesinde eseptelgen ınvestısııalyq kiris 32,12 mln teńgeni qurap, zeınetaqy aktıvteriniń tabystylyǵy – 2,98% boldy.
«Halyk Finance» senimgerlik basqarýyndaǵy zeınetaqy aktıvteri – 248,53 mln teńge. Portfeldik qurylymdaǵy ınvestısııalar, keri REPO (kúntizbelik 90 kúnnen aspaıtyn) 60,85%, ınvestısııalyq shottardaǵy qarajat – 12,00%, mıkroqarjy uıymy – 6,81%, Ulttyq bank notalary – 6,81%, kvazımemlekettik uıymdardyń oblıgasııalary – 4,91%, portfeldiń 100%-y ulttyq valıýtadaǵy quraldarǵa salynǵan.
Investısııalyq qyzmet nátıjesinde jyl basynan beri eseptelgen ınvestısııalyq kiris somasy 6,16 mln teńgeni,zeınetaqy aktıvteriniń tabystylyǵy – 4,81%-dy quraǵan.
