Qazaqstan Respýblıkasy Kólik jáne kommýnıkasııa mınıstrliginiń buıryǵy №830

2013 jylǵy 24 qazan, Astana qalasy «Avıasııalyq personaldyń shetel memleketteri bergen kýálikterin taný erejesin bekitý týraly» Qazaqstan Respýblıkasy Kólik jáne kommýnıkasııa mınıstriniń 2010 jylǵy 28 qarashadaǵy  № 546 buıryǵyna ózgeris engizý týraly Azamattyq avıasııa salasyndaǵy Qazaqstan Respýblıkasynyń normatıvtik quqyqtyq aktilerin halyqaralyq azamattyq avıasııa uıymy IKAO-nyń qujattaryna sáıkes keltirý maqsatynda, buıyramyn: 1. «Avıasııalyq personaldyń shetel memleketteri bergen kýálikterin taný erejesin bekitý týraly» Qazaqstan Respýblıkasy Kólik jáne kommýnıkasııa mınıstriniń 2010 jylǵy 28 qarashadaǵy № 546 buıryǵyna (Normatıvtik quqyqtyq aktilerdi memlekettik tirkeý tiziliminde) № 6690 tirkelgen) mynadaı ózgeris engizilsin: kórsetilgen buıryqpen bekitilgen Avıasııalyq personaldyń shetel memleketteri bergen kýálikterin taný erejesinde: 4-tarmaq mynadaı redaksııada jazylsyn: «4. Shetel azamatyna shetel memleketi bergen azamattyq avıasııanyń avıasııa personalynyń kýáligi mynadaı talaptar saqtalǵan kezde Qazaqstan Respýblıkasynyń azamattyq avıasııa salasyndaǵy ýákiletti organy jaramdy dep tanıdy: 1) úmitker Qazaqstan Respýblıkasynyń azamattyq avıasııasy uıymyna jumysqa shaqyrylsa (kóshirmesi); 2) úmitker mynadaı qujattardy usynady: jeke basyn kýálandyratyn qujat (tólqujat); azamattyq avıasııa personalynyń avıasııalyq kýáligi (kóshirmesi); medısınalyq qorytyndy (ushý jáne dıspetcherlik quram úshin – kóshirmesi); ushý kitapshasynan ushý saǵattary týraly jazba bóliminen sońǵy úsh bet (kóshirmesi); osy Erejege1-qosymshaǵa sáıkes nysan boıynsha shet memleket bergen Avıasııa personalynyń kýálikterin tanýǵa ótinish (túpnusqa); áýe quqyǵy, meteorologııa boıynsha bilimdi kórsetý nátıjeleriniń kóshirmeleri, paıdalaný rásimderi, Qazaqstan Respýblıkasynyń erekshelikterin esepke alǵandaǵy frazeologııa (áýe ekıpajy músheleri). Eger Qazaqstan Respýblıkasynda tirkelgen zańdy tulǵa bolyp tabylatyn paıdalanýshy basqa memlekette (tirkeý memleketi) tirkelgen áýe kemelerin paıdalanǵan jaǵdaıda, eger Qazaqstan Respýblıkasymen jáne áýe kemesi tirkelgen memleketpen jasalǵan halyqaralyq sharttarmen ózgeshe kózdelmese jaǵdaıda, osy áýe kemeleriniń ekıpaj músheleriniń avıasııalyq personalynyń kýálikterin tanýdy tirkeý memleketi júzege asyrady». 2. Qazaqstan Respýblıkasy Kólik jáne kommýnıkasııa mınıstrliginiń Azamattyq avıasııa komıteti (B.K. Seıdahmetov): 1) zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde tirkelýin; 2) buıryqty Qazaqstan Respýblıkasy Ádilet mınıstrliginde memlekettik tirkegennen keıin buqaralyq aqparat quraldarynda, onyń ishinde Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda resmı jarııalanýyn jáne Memlekettik organdardyń ıntranet-portalynda ornalastyrylýyn qamtamasyz etsin; 3) Qazaqstan Respýblıkasy Kólik jáne kommýnıkasııa mınıstrliginiń Zań departamentine osy buıryqtyń Qazaqstan Respýblıkasy Ádilet mınıstrliginde memlekettik tirkelýinen keıin 5 jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi usynsyn. 3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri A.Ǵ. Bekturovqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr A.JUMAǴALIEV.