Qazaqstan Respýblıkasy Eńbek jáne halyqty áleýmettik qorǵaý mınıstrliginiń buıryǵy № 267-О́

2014 jylǵy 17 maýsym , Astana qalasy 2014 jylǵy 3 toqsanǵa arnalǵan kedeılik shegin anyqtaý týraly Qazaqstan Respýblıkasy Úkimetiniń 2000 jylǵy 8 sáýirdegi № 537 qaýlysymen bekitilgen Kedeılik shegin anyqtaý tártibiniń 4-tarmaǵyna sáıkes ataýly áleýmettik kómektiń mólsherin anyqtaý úshin Qazaqstan Respýblıkasynyń kúnkórisi tómen azamattaryna áleýmettik kómek kórsetý krıterııin belgileý maqsatynda buıyramyn: 1. Qazaqstan Respýblıkasy boıynsha 2014 jylǵy 3 toqsanǵa kedeılik shegi Qazaqstan Respýblıka­synyń Statıstıka agenttigi ótken toqsanǵa eseptegen eń tómengi kúnkóris deńgeıiniń 40 paıyzy mólsherinde belgilensin. 2. Qazaqstan Respýblıkasy Eńbek jáne halyqty áleýmettik qorǵaý mınıstriniń «2014 jylǵy 2 toqsanǵa arnalǵan kedeılik shegin anyqtaý týraly» 2014 jylǵy 18 naýryzdaǵy № 103-О́-M buıryǵynyń (Normatıvtik-quqyqtyq aktilerdi tirkeýdiń memlekettik tiziliminde № 9283 tirkelgen jáne 2014 jylǵy 5 sáýirdegi «Kazahstanskaıa pravda» № 66 (27687), 2014 jylǵy 5 sáýirdegi «Egemen Qazaqstan» № 66 (28290) gazetterinde jarııalanǵan) kúshi joıyldy dep tanylsyn. 3. Áleýmettik kómek departamenti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqty oblystyq, Astana jáne Almaty qalalarynyń jumyspen qamtýdy úılestirý jáne áleýmettik baǵdarlamalar basqarmalarynyń nazaryna jetkizýdi qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasynyń Eńbek jáne halyqty áleýmettik qorǵaý vıse-mınıstri S. Q. Jaqypovaǵa júktelsin. 5. Osy buıryq alǵashqy resmı jarııalanǵan kúninen bastap qoldanysqa engiziledi jáne 2014 jylǵy 1 shildeden bastap týyndaǵan qatynastarǵa qoldanylady. Mınıstr T.DÚISENOVA. Buıryq Qazaqstan Respýblıkasynyń Ádilet mınıstrliginde 2014 jylǵy 26 maýsymdaǵy Normatıvtik quqyqtyq kelisimderdi memlekettik tirkeýdiń tizilimine №9539 bolyp engizildi.