«Halyq qatysatyn bıýdjet» jobasy – turǵyndardyń abattandyrýǵa bólingen qarajatty ıgerýge qatysý jobasy. Baǵdarlamaǵa qatysý úshin astanalyqtar aýlany nemese qoǵamdyq keńistikti abattandyrý josparyn daıyndap, aýdan apparatynyń saıtyna júkteýi qajet. Sodan keıin joba saraptamalyq keńestiń tekserýinen ótedi jáne maquldanǵan jaǵdaıda daýys berýge usynylady. Eń kóp daýys jınaǵan jobalar jazǵy maýsymnyń sońyna deıin júzege asyrylady.
Aýlalardy abattandyrý jospary turǵyndarmen birge tolyǵymen qaıta qaralyp, mamandardyń kómegimen tolyqtyrylady. Abattandyrý aýlany tolyq jóndeýdi qamtıdy: kógaldandyrý, aýla ishilik joldardy asfalttaý, shaǵyn sáýlet nysandaryn aýystyrý, balalar alańdaryn jáne t. b. ornatý. Bıyl Saryarqa aýdanynda «Halyq qatysatyn bıýdjet» jobasy boıynsha 15 aýlany abattandyrý josparda bar. Odan bólek, qosymsha 12 mekenjaı boıynsha oıyn alańdaryn jańartamyz.
Aıta keteıik, 2019 jyldan bastap Saryarqa aýdanynda «Halyq qatysatyn bıýdjet» jobasy boıynsha turǵyndardyń 54 bastamasy iske asyryldy. О́tken jyly aýdanda 45 aýla jańartyp, onyń 23-i turǵyndardyń elorda bıýdjetine qatysýy aıasynda tolyqtaı jóndeldi.
