ÚRIMShI JÁRMEŃKESINIŃ ÚIRETERI KО́P

Almatyda “Qazaqstan” qonaq úıinde “QHR-2010 Úrimshi syrtqy saýda-ekonomıkalyq jár­meńkesi” jáne “2010 Qazaqstandaǵy Qytaı taý­ar­larynyń 8-shi kórmesi” atty baspasóz má­s­lıhaty bolyp ótti. QHR kommersııa mınıstrligi, QR Saýda-ónerkásiptik palatasy jáne Shyńjań ekonomıkalyq gazetiniń uıymdastyrýymen ót­ken jıynda Úrimshide jáne Almaty qalasynda ótetin jármeńkeler tóńireginde keńinen sóz boldy. Baspasóz máslıhatynda sóz alǵan Sýar qa­lasyndaǵy kommersııa departamenti basty­ǵynyń orynbasary Sýn Chjensıao eki mem­leket ara­syndaǵy saýda, ekonomıka, mádenıet jáne ózge de salalardaǵy yntymaqtastyq arta túskendigin atap aıtty. Úrimshi jármeńkesine Qazaqstan jáne Azııa­nyń birqatar elderimen birge Reseı ókilderi de shaqyrylǵan. Jármeńkeni uıymdasty­rý­shy­lar tujyrymdaýynsha, mundaı júzdesý Ortalyq Azııa elderiniń saýdasy úshin birlesken tuǵyr­na­ma bolatyndyǵy sózsiz. Al, munyń ózi, túptep kelgende, memleketterdiń ekonomıkasy men áleý­mettik jaǵdaıyn arttyrýǵa qosylǵan úlken úles. Sóz reti kelgende atap aıtarlyq jáıt, sońǵy jyldary Shyńjań ekonomıkasynyń damý qar­qyny arta túsýde. О́tken 2009 jyly shyń­jań­dyq GDP – 427 mıllıard 357 mıllıon ıýan­ge jetti. Munyń ózi ótken jyldyń osy mer­­zimimen salystyrǵanda 8,1 paıyz kóleminde ósimge qol jetkenin kórsetedi. Al, ımporttyq-eksporttyq saýda kólemi 13 mıllıard 82 mıllıon 800 myń dol­lardy, eksport ortasha alǵanda – 13 mıl­lı­ard 82 mıllıon 300 myń dollardy quraıdy. Búkil el boıynsha ımporttyq-eksporttyq kólem on altynshy orynda tur. Eń bastysy, Qazaqstan men Shyńjań arasyndaǵy saýda salasyndaǵy kórsetkishter de ýaqyt ótken saıyn damý ústinde. Baqyt BALǴARINA. ALMATY.