Aıbek Smadııarov Qazaqstan azamaty Artýr Ysqaqovtyń júregi toqtaǵanyn atap ótti. Shomylýǵa shekteýler men tyıym salynǵanyna qaramastan, ol óziniń qalyńdyǵymen birge sýǵa kirgen.
«Artýr Ysqaqov aýrýhanaǵa jetkizildi, komaǵa túsip, aýyr jaǵdaıda boldy. Oqıǵa týraly estigen anasy men ákesi qalaǵa dereý ushyp bardy. Sol jerde dárigerlermen kelissóz júrgizildi. Taı dárigerleri er adamnyń máıitin tasymaldaýǵa qarsy bolǵan. Alaıda eki tarap mámilege kelip, bul másele sheshimin tapty», dedi Aıbek Smadııarov.
Onyń aıtýynsha, bul sońǵy aptadaǵy ekinshi jaǵdaı.
«3 maýsymda dál sol jaǵalaýda bizdiń taǵy bir jerlesimiz qaıtys boldy. Barlyq tyıymdarǵa qaramastan, ol da sýǵa kirip, úlken tolqyndardyń astynda qaldy. Jaqyn arada olardyń máıitteri Qazaqstanǵa jetkiziledi», dep qosty SIM ókili.
Taı polısııasy men qutqarýshylarynyń aıtýynsha, mundaı qaıǵyly jaǵdaılarǵa negizinen TMD elderinen kelgen týrıster tap bolady.
Aıta ketsek, 24 jastaǵy Artýr Ysqaqov Taılandtaǵy kýrorttardyń birinde sýǵa batyp, qaıtys boldy.
Naqtylanǵandaı, Artýr Ysqaqov sýǵa óziniń qalyńdyǵymen birge kirgen. Shomylý kezinde tolqyndar kóterilip, qyz bata bastaǵan. Sol kezde qalyńdyǵyn sýdan shyǵaryp úlgergen Artýrdyń ózi batyp ketken.
