Halyqaralyq uıymdardyń oń baǵasy

Parıjde uıym­das­ty­ryl­ǵan EYDU sybaılas jemqorlyqqa qarsy jelisi basqarýshy tobynyń otyrysy men Ǵalamdyq sybaılas jemqorlyqpen kúres forýmynda elimiz monıtorıngtiń tórt kezeńinen sátti ótip, EYDU sarapshylary be­kitken usynymdardyń basym bóligin oryndady. Endi sheteldik laýazymdy tulǵalardyń para alýyna qarsy kúres jónindegi konvensııaǵa qosylý jos­parlanyp otyr.

EYDU-nyń barlyq usy­­­nymdaryn oryndaý arqyly elimiz taıaý jyldary damyǵan elderdiń klýbyna múshelikke úmitker bola alady. Bolashaqta bul EYDU elderimen quqyqtyq kómek kórsetý, qylmyskerlerdi ekstradısııalaý jáne olar­dyń zańsyz múlikterin qaıtarý máseleleri bo­ıynsha yntymaqtastyqty nyǵaıtýǵa múmkindik beredi.

Jıynda Sybaılas jem­qorlyqqa qarsy is-qımyl agent­tigi tóraǵasynyń oryn­basary Dmıtrıı Malahov­tyń basshylyǵymen Qazaq­stan delegasııasy jem­­­qor­lyqqa qarsy tıimdi kúreske baǵyttalǵan sońǵy ózgeris­terdi usyndy. Atap aıt­qanda, birinshi basshy­lar­dyń qaramaǵyndaǵylar úshin derbes jaýapkershiligi, quqyq qorǵaý organdary qyzmetkerleri men sýdıa­lardyń sybaılas jem­qorlyq qylmystary úshin jaýapkershilikti arttyrý, zańsyz shyǵarylǵan aktıv­terdi qaıtarý boıynsha júrgizilip jatqan jumystar jáne jemqorlyq faktileri týraly habarlaǵan adamdardy keshendi qorǵaý sharalary sııaqty normalar men zań­namany halyqaralyq stan­darttarǵa sáıkes qatańdatý týraly sóz boldy.