«Keıbir buqaralyq aqparat quraldarynda, áleýmettik jelilerde jáne messendjerlerde burynǵy Mádenıet jáne sport mınıstri A.Muhamedıulyna qatysty sot prosesinen Sybaılas jemqorlyqqa qarsy qyzmet qyzmetkerlerin «Dıplomat» qonaqúıin úshinshi tulǵalarǵa qaıta jazýǵa jáne 111 mln teńge somasynda zalaldy óteýge májbúrleý týraly aqparat tarady. Bul aqparat shyndyqqa sáıkes kelmeıtinin habarlaımyz.
Muhamedıulyna 221 mln teńge jymqyrdy degen aıyp taǵylyp, onyń qatysy jınalǵan dáleldemelermen rastalyp, is-áreketterdiń biliktiligi prokýratýra organdarymen kelisildi. Onyń áreketterine qorytyndy baǵany sot beredi», dep habarlady vedomstvodan.
Sonymen qatar tergeý barysynda jaýapkershilikti jeńildetý maqsatynda ol memleket kirisine aınaldyrylǵan 111 mln teńge somasyndaǵy zalal ishinara óteldi.
«Qazirgi ýaqytta «Dıplomat» qonaqúıin reıderlik basyp aldy degen kúdikti Muhamedıulynyń ózine qatysty qosymsha epızod boıynsha tergeý aıaqtaldy. Osyǵan baılanysty, Muhamedıuly sottalýshylaryna atalǵan mán-jaılar boıynsha sot pen jurtshylyqty adastyrý jolymen jaýapkershilikten jaltarý maqsatynda jalǵan aqparat berildi. Jala jabý faktisi boıynsha sotqa deıingi tergeýdi bastaý týraly másele sheshilip jatyr», delingen agenttiktiń aqparatynda.
Sondaı-aq Antıkor azamattardan resmı derekkózderdiń obektıvti derekterine ǵana senýdi surady.
