Qaıǵyly oqıǵa 6 maýsym kúni tańǵy saǵat 11:00 shamasynda bolǵan.
Anyqtalǵandaı, «Toyota Alphard» kóliginde 4 jolaýshy bolǵan, olardyń úsheýi kámelet jasyna tolmaǵan. Atalǵan kóliktiń ıesi tizgindi basqara almaı, qarsy jolaqqa shyǵyp ketip, Kókshetaý qalasynyń turǵyny basqarǵan «Renault» júk kóligimen soqtyǵysqan. Keıin tórt jolaýshy mingen shaǵyn avtobýs Atbasar qalasynyń turǵyny basqarǵan «Daf» júk kóligimen betpe-bet soqtyǵysqan.
«Oqıǵa saldarynan Toyota kóliginiń 46 jastaǵy júrgizýshisi, onyń 2013 jyly týǵan uly oqıǵa ornynda kóz jumdy. Mınıvenniń taǵy úsh jolaýshysy aýrýhanaǵa jatqyzyldy», dep habarlady polısııa departamentiniń qyzmetkerleri.
Qazirgi ýaqytta QR Qylmystyq kodeksiniń 345-babynyń 4-bóligi boıynsha sotqa deıingi tergeý amaldary júrgizilip jatyr.
