18 jastan asqan, jumysqa ornalaspaǵan áıelder «IT-Aiel» baǵdarlamasyna qatysýǵa ótinish berip, «No Code School», «Freelance School», sondaı-aq negizgi kompıýterlik saýattylyq kýrstary boıynsha oqı alady. Qatysýshylar jańa isti ıgerýge 1 tamyzda onlaın formatta qazaq jáne orys tilderinde kirise alady. Baǵdarlama qyzyqty vebınarlar, vorkshoptar, tikeleı efırler, Q&A-sessııalarynan turady.
Eńbek jáne halyqty áleýmettik qorǵaý mınıstrliginiń derekterine súıensek, elimizde 967 myń jumysqa qabiletti áıel bar. Olardyń 34 paıyzy jumys istemeıdi. Al 41 paıyzy joǵary bilimge ıe. Jaqynda «Coursera IFC» jáne Eýropalyq komıssııamen birlese júrgizgen zertteý kórsetkendeı, áıelderdiń 45 paıyzy jáne bala kútimindegi áıelderdiń 60 paıyzy onlaın oqytý múmkindigi bolmaǵan jaǵdaıda oqýdy keıinge qaldyryp nemese toqtatýǵa májbúr bolatynyn moıyndady. Sondyqtan «IT-Aiel» baǵdarlamasy jumyssyz áıelder úshin mańyzdy ári úlken múmkindikke ıe.
Jobaǵa qatysý úshin áıelder qaýymy saıt arqyly ótinish berýi kerek: https://education.astanahub.com/itaiel. Oqytý qorytyndysy boıynsha jobanyń barlyq túlegi oqýdy aıaqtaǵanyn rastaıtyn elektrondy sertıfıkatqa ıe bolady. Baǵdarlamanyń úzdik 100 qatysýshysy kýrstyń sońynda saltanatty túrde marapattaýǵa shaqyrylady.
О́tinimderdi qabyldaý 15 shildege deıin jalǵasady. Al qosymsha aqparatty myna silteme arqyly tabýǵa bolady: https://education.astanahub.com/itaiel. Qosalqy suraqtar boıynsha edu@astanahub.com elektrondy poshtasyna jazýǵa nemese 2222 biryńǵaı nómirine qońyraý shalýǵa bolady.
Eske sala keteıik, «Astana Hub» – otandyq jáne sheteldik tehnologııalyq kompanııalardyń erkin damýy úshin barlyq jaǵdaı jasalǵan Ortalyq Azııadaǵy eń iri tehnoparktiń biri. Qazirgi ýaqytta tehnoparkte 1 myńnan astam qatysýshy bar. Olar 14 myńnan astam jumys ornyn ashty. Al Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa áıelder men otbasylardyń ómir súrý jaǵdaıyn jaqsartý strategııalaryn josparlap, iske asyrady. Sondaı-aq áıelder quqyǵyn qorǵaý, otbasylardy qoldaý jáne demografııany nyǵaıtý baǵdarlamalaryn ázirlep, júrgizedi.
