«Oblys 2023 jyldyń 4 aıy qorytyndysymen áleýmettik-ekonomıkalyq damýdyń makrokórsetkishteri boıynsha oń dınamıkaǵa qol jetkizdi. Aýyl sharýashylyǵynyń jalpy ónimi 1,6, óńdeý ónerkásibiniń kólemi 1,9 paıyzǵa, paıdalanýǵa berilgen turǵyn úıler kólemi 2,4, saýda kólemi 2,5, ınvestısııalar tartý 42,1 jáne qurylys jumystarynyń kólemi 44 paıyzǵa artty. Búginde oblys bıýdjeti 593 mlrd teńge bolyp tur. Bul byltyrǵy bıýdjetten 53 paıyzǵa artyq. Bıýdjettiń 64 paıyzy nemese 378,6 mlrd. teńgesi áleýmettik salaǵa baǵyttalǵan», dedi N.Nálibaev.
Qordyń sarqylýy saldarynan 2013 jyldan beri óńirde munaı óndirý 6,5 mln tonnaǵa azaıǵan. Qazir jańa ken oryndaryn ıgerý úshin «Shý-Sarysý» basseıninde geologııalyq-geofızıkalyq zertteý jumystary aıaqtalyp, Aral basseıniniń «Batys» jáne «Shyǵys» bóliginde jalǵasýda.
О́ńirde shıkizatqa táýeldilikti azaıtý úshin ekonomıkany ártaraptandyrýǵa baǵyttalǵan jobalardy iske asyrý jalǵasady. Atap aıtqanda, ındýstrııalandyrý aıasynda óńirde quny 607,7 mlrd teńgeni quraıtyn 34 joba júzege asyrylýda. Bul jobalar 6,3 myń adamdy jumyspen qamtýǵa múmkindik beredi.
Memleket basshysynyń tapsyrmasyna sáıkes Jalpyulttyq biryńǵaı jobalar pýly qalyptasyp, oǵan quny 907 mlrd. teńgeden asatyn 36 joba engizildi. О́tken jyly quny 5,1 mlrd teńge bolatyn 4 joba iske qosyldy. Bıyl Syr óńirinde quny 13,4 mlrd teńgeniń 9 jobasy júzege asyrylady. Bul óńirge ınvestısııa tartý qarqynyn arttyrýǵa múmkindik beredi.
