Besinshi maýsym kúni saǵat 11:30 shamasynda Jalaǵash aýdany polısııa bóliminiń jergilikti polısııa qyzmeti bólimshesiniń bastyǵy, polısııa maıory Erjan Abdramanov pen patrýldik polısııa tobynyń aǵa ınspektory, polısııa leıtenanty Ernur О́tesh ózderine qarasty aımaqty aralaýǵa shyqqan edi. Aınalaǵa jiti kóz salyp kele jatqan olar jolǵa atyp shyqqan beıtanys adamnyń tegin júrmegenin sezip, kólikti toqtatady. Janushyra jetken jigit Buqarbaı batyr eldi mekeni aýmaǵyndaǵy «Severnyı» kanalynda bir azamattyń sýǵa batyp bara jatqandyǵyn aıtady.
Jaǵdaıdy tez baǵamdaǵan Erjan Abdramanov oılanbastan sýǵa sekirip, ál dármeni kete bastaǵan jigitti jaǵaǵa alyp shyǵypty. Der kezinde kórsetilgen dárigerge deıingi kómekten keıin jas jigit esin jıdy. Oqys oqıǵanyń qalaı bolǵany anyqtaldy.
Sýǵa batqan azamat Qyzylorda qalasyndaǵy joǵary oqý oryndarynyń biriniń stýdenti bolyp shyqty. Kanal jaǵasyna kúrishtiktiń sýyn tekserýge kelgen sátinde aıaǵy taıyp ketipti.
Oblystyq polısııa departamentiniń basshylyǵy jas jigitti ajal aýzynan arashalap qalǵan qyzmetkerlerin marapatqa usynatynyn aıtyp otyr.
Qyzylorda
