Oblys ákimi Serik Shápkenovtiń pikirinshe, qoǵamda erekshe balalardyń saýlyǵyn nyǵaıtýǵa aıryqsha kóńil bólinip otyr. Sol sebepten, jańa ortalyqta syrqat balalardy ońaltý úshin jańa ádister qoldanylady. Bul aýrýdy erte anyqtaýǵa, ásirese erekshe balalardy ómirge beıimdeýge oń yqpalyn tıgizedi.
«Qamqorlyq» ataýy berilgen ońaltý ortalyǵy medısınalyq, áleýmettik jáne pedagogıkalyq baǵytta jumys isteıdi. Ortalyqqa shilde aıynan bastap serebraldy sal aýrýyna shaldyqqan, shala týý, Daýn sındromy, damýynda týa bitken aqaýy, bulshyqet dıstrofııasy, júıke júıesi buzylǵan jáne basqa da syrqaty bar balalar qabyldanady.
«Munda emdeletin ár sábıdi ońaltýdyń jeke jospary jasalady. Ońaltýdy nevropatologter, ońaltý dárigerleri men pedıatrlar, emdik deneshynyqtyrý nusqaýshylary, kásiptik terapevter men logopedter júzege asyrady. Ortalyqqa balalardy ońaltý úshin ozyq tehnologııalar usynylyp otyr. Bul – mehanoterapııa jáne emdik dene shynyqtyrý zaly, sensorlyq bólme, ımmersııalyq vanna, shýngıt jáne tuz bólmesi. Buǵan qosymsha estý jáne bas mıyn zertteýge arnalǵan dıagnostıkalyq jabdyqtar ornatyldy. Mundaı jabdyqtar damýdyń alǵashqy kezeńindegi buzýshylyqtardy anyqtaýǵa, soǵan sáıkes ońaltý baǵytyn ázirleýge múmkindik beredi», deıdi Araılym Erkinova.
Atyraý oblysy
