Osydan úsh jyl buryn kompanııa «Saumal» jáne «Saubota» brendterin Qytaıdyń Gansý provınsııasyndaǵy Lanchjoý qalasyna eksporttaýdy bastaǵany málim. Endigi meje – Birikken Arab Ámirligi. Nemis tehnologııasymen óndiriletin ónim – muzdatylǵan, keptirilgen qalypta.
Osakarov aýdanynyń Jansary aýyldyq okrýgindegi ferma búginde óndirisin ulǵaıtqan. Naryq ta keńip keledi. Alǵashqyda 4 myń tonna ónim eksporttaýdy bastaǵan kompanııa qazir kólemin arttyrǵan. Mal basy da óskenin atap ótken lázim. Negizgi ónimmen qatar, aldaǵy ýaqytta ósimdik sharýashylyǵyn óristetýdi de kózdep otyr. О́nim alynatyn jylqynyń tuqymy fermadaǵy – qazaqy jylqydan.
– Fermada qazaqy tuqymdy jylqy sany 1500-den 2300-ge deıin ósti. Bıyl muzdatylǵan, keptirilgen bıe sútin óndirýdi 6 myń tonnadan 10 myń tonnaǵa deıin kóbeıtemiz. Satý naryǵynyń aıasy da keńip keledi. Qazir Dýbaıda satyp alýshymen kelissóz júrip jatyr. Keleshekte ósimdik sharýashylyǵyn damytamyz. Bıyl 12 myń gektar jerge tuqym sebildi. Oǵan qosa jańa zamanaýı tehnıka satyp alyndy. Kelesi jyly egis alqaptaryn 15 myń gektarǵa deıin ulǵaıtý, sýarmaly jerlerdi damytý baǵdarlamasyn bastaý josparymyzda bar. Investısııa shamamen 2,5 mlrd teńge, – dedi «Eýrazııa Invest LTD» JShS quryltaıshysy Ivan Georgıadı.
Búgingi tańda kásiporynda eńbek etetin adamnyń sany júzden astam. О́ndiristiń odan ári ulǵaıýy jańa jumys oryndaryn qamtamasyz etedi. Saýyn júıesi tolyqtaı avtomattandyrylǵan. Saýylǵan sút birden óńdeýge jóneltiledi. Sondyqtan da onyń quramyndaǵy barsha paıdaly qasıetteri saqtalady deıdi ónim óndirýshiler.
Qaraǵandy
