Negizgi mindetin múltiksiz atqaratyn azamattyń taǵy bir erekshe qyry bar eken. Bul – onyń poezııaǵa degen yqylasy. Áriptesteri, onyń munysyna ár kez súısine qaraıdy.
– Men aqyndardyń óleńderin jattap, naqyshyna keltirip oqyǵandy unatamyn. Ásirese Mahambet О́temisulynyń óleńderin oqyǵanda, bir qolymda naıza ustap, jaýǵa attandap bara jatqandaı kúıge túsemin, – deıdi Úrker.
Ol Jambyl oblysy Sarysý aýdanynyń týmasy. Ákesi ishki ister organynyń ardageri kórinedi. Al ózi byltyrdan beri osy salada qyzmette eken.
Jas kezinen qazaqtyń jyr-dastan, qıssalaryn jattap ósken Úrker 2013 jyly Atyraýda ótken Mahambet О́temisuly oqýlarynda úshinshi oryn ıelengen. Keıin mundaı baıqaýlarǵa qatysa qoımapty. Bálkim, aldaǵy ýaqytta Úrkerdi sondaı baıqaýlardyń dodalarynan kórip te qalarmyz. Qalaı bolǵanda da, polısııa qyzmetkerleriniń arasynda osyndaı azamattyń júrgeniniń ózi keremet emes pe!
