Parlamenttik komıssııa quryldy

Otyrysty ashqan Máýlen Áshimbaev áriptesterine Sol­tústik Qazaqstan oblysynan saı­lanǵan jańa senator Ásem Rahmetovany tanystyryp, oǵan jańa jumysta sáttilik tiledi. Konstıtýsııalyq nor­maǵa sáı­kes Ásem Rahmetova ant berdi. Son­daı-aq Áleý­mettik-mádenı da­mý jáne ǵylym turaqty ko­mı­­tetiniń múshesi bolyp saılandy.

Budan bólek, Palata oty­ry­synda senatorlar «TMD-ǵa qatysýshy memleketterdiń jal­ǵan taýar belgilerin jáne geografııalyq kórsetkishterdi paıdalanýdyń aldyn alý men jolyn kesý jónindegi ynty­maqtastyǵy týraly ke­li­simdi ratıfıkasııalaý týraly» zań jo­basyn ma­quldady. Bul keli­sim TMD-ǵa múshe elderdiń mem­le­kettik shekaralary arqyly mun­daı taýarlardyń ta­sy­­maldanýyna jol bermeý jónindegi shartty qamta­masyz etedi.

Qujat jóninde baıandama ja­saǵan senator Qaırat Taste­keevtiń aıtýynsha, qujatta jal­ǵan taýar belgi­leri men geogra­fııalyq kórset­­kishteri bar taýarlar­dy óndirý men ótkizýdiń anyq­talǵan faktileri týraly aqparat almasý kózdelgen. Sondaı-aq ónerkásiptik men­shik salasynda birlesken ǵy­lymı zertteýler júr­gizý, zııatkerlik menshik quqyq­taryn qorǵaý jáne saqtaý salasynda kadrlardy daıar­laý, olardyń biliktiligin art­tyrý jónindegi birlesken is-sharalar qarastyrylǵan.

«TMD-ǵa qatysýshy mem­­­le­ketterdiń taýarlardy da­ralandyrý quraldaryn qorǵaýdyń ulttyq júıelerin odan ári damytý jónindegi kúsh-jigerin biriktirýge ba­ǵyttalǵan. Zańdy ázirleý­shi­lerdiń pikirinshe, ony qabyl­daý teris áleýmettik, ekonomıkalyq jáne qu­qyq­­tyq saldarlarǵa ákep soq­paıdy, sondaı-aq respýb­lıkalyq bıýdjet esebinen qosymsha qarjy-qarajatty talap etpeıdi. Zań boıynsha ǵylymı quqyqtyq jáne lıngvıstıkalyq saraptamalar júrgizilgen. «Atameken» Ulttyq kásipkerler palata­sy men jeke kásipkerlik sýbek­tileriniń akkredıttelgen bir­les­tikterinen zań boıynsha sarap­tamalyq qo­rytyndy jasaldy», dedi Q.Tastekeev.

Senatordyń aıtýynsha, Ar­me­nııa, Belarýs, О́zbek­stan jáne Qyrǵyzstan mem­­leketishilik rá­sim­derdi júr­gizdi. «Qazaq­stan Respýb­lıkasynyń halyq­ara­lyq shart­tary týraly» zańy­na sáı­kes kelisim ratıfı­kasııa­laýǵa jatady. Senat ko­mı­tet­terinen zań jobasy bo­ıyn­sha eskertýler men usy­ny­s­tar kelip túspegen.

«Maquldanǵan Zań TMD sheń­berinde jalǵan taýar belgileri men geogra­fııalyq kórset­kishterdi paı­dalanýdyń aldyn alý jáne jolyn kesý úshin qa­jetti quqyqtyq or­ta qalyp­tastyrady. Sol úshin ke­lisim arqyly memleket­ter tarapynan qabyldana­tyn birlesken is-sharalar men quqyqtyq tetikter aıqyn­dalady. Aldaǵy ýaqyt­ta ke­lisim qatysýshy mem­le­ket­terdiń zııatkerlik men­shik quqyqtaryn qorǵaý sa­lasyndaǵy áleýetin art­ty­­rýǵa oń úlesin qosady dep senemiz», dedi Máýlen Áshim­baev.

Budan basqa Senat oty­ry­synda Qazaqstan Respýb­lı­kasynyń ornyqty damýy salasyndaǵy ulttyq maqsat­tar men mindetterdiń iske asy­rylýyn monıtorıngteý jó­nindegi Parlamenttik komıs­sııanyń quramyna Qazaqstan Respýblıkasy Parlamenti Sena­tynyń depýtattaryn saılaý týraly másele qaraldy. Komıssııa quramyna ár Palatadan 9 depýtattan múshe bolady.

«Memleket basshysy Qa­sym-Jomart Kemeluly Toqaev­tyń tapsyrmasy bo­ıynsha Parlamentte Or­nyqty damý salasyndaǵy ulttyq maqsattar men min­det­­terdiń iske asyrylýyna monıtorıng júrgizetin parlamenttik komıssııa qurý jumystary qolǵa alyndy. Bul komıssııanyń negizgi maqsaty – Prezıdentimizdiń reformalary aıasynda Or­nyqty damý salasyndaǵy ulttyq maqsattar men min­detterdi tıimdi iske asy­rý­ǵa járdemdesý. Onyń ju­my­syna Úkimet músheleri, ha­lyq­aralyq uıymdar men qoǵam­dyq uıymdardyń, úki­­met­tik emes sektordyń ókil­deri já­ne sarapshylar men ǵalymdar qatysyp otyrady», dedi Senat spıkeri.