Bul tyıym «Qazaqstan aýmaǵynan munaı ónimderin áketýdiń keıbir máseleleri týraly» Energetıka mınıstriniń 2023 jylǵy 20 qańtardaǵy №21, Premer-mınıstrdiń orynbasary - Qarjy mınıstriniń 2023 jylǵy 20 qańtardaǵy №49, Ishki ister mınıstriniń 2023 jylǵy 20 qańtardaǵy № 31 jáne QR UQK Tóraǵasynyń 2023 jylǵy 20 qańtardaǵy № 40 birlesken buıryǵyna sáıkes engizildi.
Budan basqa, «Eýrazııalyq ekonomıkalyq odaqtyń kedendik aýmaǵynyń sheginen tys jerlerge Qazaqstan Respýblıkasynan eksporttaýǵa tyıym salynǵan nemese shektelgen munaı ónimderiniń tizbesin bekitý týraly» Energetıka mınıstriniń 2023 jylǵy 24 naýryzdaǵy №118 buıryǵyna sáıkes, 2023 jylǵy 8 sáýirden bastap 2024 jylǵy 31 jeltoqsanǵa deıingi merzimge kórsetilgen buıryqqa qosymshaǵa sáıkes munaı ónimderiniń jekelegen túrlerin Qazaqstan aýmaǵynan EAEO kedendik aýmaǵynan tysqary jerlerge áketýge tyıym salyndy.
Osyǵan baılanysty Qazaqstan Respýblıkasynyń Memlekettik kirister organdary belgilengen tyıym salýlardyń saqtalýyn baqylaýdy júzege asyrady, munaı ónimderin zańsyz áketý faktilerin anyqtaý jáne jolyn kesý jóninde tıisti sharalar qabyldaıdy.
Máselen, 2023 jyldyń 5 aıynda EAEO kedendik shekarasyndaǵy avtomobıl ótkizý pýnktinde (Túrkistan oblysy) О́zbekstan Respýblıkasyna jalpy kólemi 42 665 lıtr munaı ónimderin zańsyz áketýdiń 128 faktisiniń joly kesildi, eseptelgen aıyppul somasy 4,6 mln teńgeni qurady.
Elimizdiń Reseı Federasııasymen memlekettik shekarasynda ornalasqan avtomobıl ótkizý pýnktterinde munaı ónimderin zańsyz áketýdiń 427 faktisi anyqtaldy, jalpy kólemi 32 354 lıtr, eseptelgen aıyppul somasy 11,5 mln teńgeni qurady.
Osylaısha, Qazaqstan Respýblıkasynyń Memlekettik kirister organdary quzyreti sheńberinde tasymaldaýshylardyń Qazaqstan Respýblıkasynyń qoldanystaǵy zańnamasynda belgilengen tyıym salýlar men shekteýlerdiń saqtalýyna turaqty negizde tıimdi baqylaýdy júzege asyrady.
Budan basqa, Memlekettik kirister komıteti «ASTANA-1» elektrondyq deklarasııalaýdyń aqparattyq júıesinde áketýge tyıym salynǵan munaı ónimderin kedendik deklarasııalaýǵa jol bermeý jóninde sharalar qabyldady.
