Beıbit kúnde 14 azamattan aırylý – halqymyz úshin asa aýyr qaıǵy. Osyǵan oraı Memleket basshysy Q.Toqaevtyń ókimimen elimizde Jalpyulttyq aza tutý kúni jarııalandy. Bul kúni elde oıyn-saýyq sharalary doǵarylyp, bir sát serpiletin, oılanatyn, ondaı aýyr jaǵdaı, qıyn ahýalǵa jol bermeýdi oılastyratynymyz anyq. Prezıdent qyrshyn ketken bozdaqtardyń jaqyndaryna memleket tarapynan materıaldyq, moraldyq kómek kórsetiletindigin qadap aıtty.
Mundaı qıyn ahýal budan bylaı qaıtalanbasa eken dep tileıik. Jaýapsyzdyq tanytqan, nemquraılyq jasaǵan basshy-shendiler bul iske qatań jaýap berýleri tıis. Apat aýqymy týraly qate boljam jasalǵan. Tipti órt sóndirý kólikteri otalmaı, tehnıka daıyn bolmaǵan, baılanys quraldary, rasııa sekildi jabdyqtar jetkiliksiz kórinedi. Olar bir-birine siltep, qaýiptiń aldyn almaǵany kórinip turdy. Mundaı jaýapsyzdyqqa jol bergender jaýapqa tartylýlary tıis. Bul – bizdiń eldigimizge syn.
Alda úsh aı jaz. Ystyq aptap kúnder áli de jalǵasýy múmkin. Tótenshe jaǵdaılar salasynyń mamandary, olardyń basshylary byltyrǵy Qostanaı óńirindegi alapat órtten sabaq almaǵandary kórinip turdy. Demek, budan bylaı ár aımaqta mundaı tótenshe jaǵdaılarǵa árkim de daıyn bolýlary kerek.
Endigi mindet – sol aımaqtaǵy qaterdiń betin qaıtarý, órt oshaqtaryn túbegeıli joıý. Elimizdiń ár aımaǵyndaǵy sala mamandary, ákimder men soǵan jaýap beretin árbir adam óz mindetterin múltiksiz atqarǵandary jón. О́rt boljamyn aldyn ala zerttep, áýeden jıi baqylap, aýa raıyn sát saıyn qadaǵalap, ormanda beıseýbet júrgenderdi qadaǵalap, saqtyq sharalaryn qadaǵalaýdy kúsheıtkenderi abzal.
Saıasat Beıisbaı,
Fılosofııa, saıasattaný jáne
dintaný ınstıtýtynyń bas sarapshysy
